Daniẹl 12:4 - Edo Bible (E Baibol Ẹdo) Version 1996

⁴ Ọ keghi tama mwẹ wẹẹ, “Banbanna, e Daniẹl, gue ebe nii ne u gbae rhie hin rre ọ te ya sẹ ufomwẹ agbọn. Vbe uwu ẹghẹ na nian, emwa nibun gha wa mu ẹghẹ iran rhia, iran ghi gha hia ne iran rẹn otọ emwi ni sunu khian.”

Daniẹl 12:4 ပူးပေါင်းရင်းမြစ်များ

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 29:11

A i ra gie uẹ rẹn emwi ne a ya umian avbe akhasẹ kha; te ọ ra yevbe ebe ohian ne a vbuẹ re a keghi gbae gbua. U gha tọn ẹẹn mu, u na bu ọmwa ne ọ guara tie wẹ ne ọ tie ẹre nuẹn, ọ ghi tama ruẹn wẹ rẹn i ra sẹtin, rhunmwuda te a gbae gbua.

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Aizaia 32:3

Ehọ kevbe aro iran gha rhan yotọ ye emwi ne avbe emwa gualọ.

Aizaia 8:16

Wa ne erhuanegbe mwẹ ọ re ọ ra gha siẹn ẹro ẹmwẹ ne Osanobua ta ma mwẹ.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Daniẹl 10:1

Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.

Daniẹl 10:14

Te I rre do rhie ma ruẹn emwi ne ọ gha sunu vbe egbe emwa ruẹn ẹdẹnakhuẹ. Umian ọghe ẹdẹnakhuẹ ọ re ọna khin.”

Daniẹl 11:33

Avbe ọkaolotu ni wan ọghe emwa nii, gha ma emwa ọvbehe nibun ẹwaẹn. Sokpan, vbe omwa ẹghẹ eso, iran gha gbele eso ua vbọ, a gha gien iran, iran ghi wulo, a gha do eso emwi viọ, a ghi munọ iran oghunmwu.

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Daniẹl 12:13

“Wẹ nẹ Daniẹl mu uhunmwu ke ọe ya sẹ ufomwẹ. Ẹghẹ nii, u gha wu, sokpan u gha rhiọrre ne a san ruẹn ẹse vbe ẹdẹ okiekie.”

Daniẹl 12:5

Ẹghẹ nii, I keghi ya bẹghe vbe arhin eva mudia ye ọkpẹn ẹzẹ ọkpa vbe obọ ọkpọkpa.

Daniẹl 12:9

Rẹn keghi wanniẹn wẹẹ, “E Daniẹl te u gha do rrie, rhunmwuda, avbe ẹmwẹ na, a ma ho ne ọmwarhọkpa rẹn ẹmwẹ na, a ma ho ne ọmwarhọkpa rẹn ọnrẹn, te a vbe rhie ẹre lẹre ufomwẹ te do rre.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Daniẹl 8:19

Ọ wẹẹ, “Te I rhie ma ruẹn na emwi ne ọ ra lae rre ighe ohu ne ọ mu Osanobua. Umian ẹghẹ ufomwẹ agbọn ọ re ọ de mu.

Daniẹl 8:26

Avbe umian ne ọ dekan ẹmwẹ ese ota vbe owiẹ, ne a vbe rhaan otọ ẹre ma ruẹn nẹ, ọ gha sunu. Sokpan he gie ẹe gha rre ẹko ruẹ ọkpa rhunmwuda ọ gha kpee ẹsẹse ọ ke do sunu.”

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Arhie Maan 10:4

Ugbẹn vbe iran ghi wa guan nẹ nii, I keghi te ra gbẹn ọẹn ye otọ, sokpan, I na họn vbe urhu ọkpa guan ke ẹrinmwi rre, ọ wẹẹ, “Gie ẹe gha re ẹmwẹ oro ighẹ ẹmwẹ ne avbe avan nukhunmwu na tae, ghẹ gbẹn ọẹn ye otọ.”

Arhie Maan 22:10

Ọ keghi vbe tama mwẹ wẹẹ, “Ghẹ rhie ẹmwẹ akhasẹ ni rre ebe na lẹ re zẹ vbe ẹmwẹ oro, rhunmwuda ẹghẹ ne emwi na hia gha ya sunu sẹ otọ fo nẹ.

Arhie Maan 5:1

I keghi bẹghe ebe ne a kiri ọkpa vbe obọ erha ọmwa ọmwa ne ọ tota ye uhunmwu ẹkete, a keghi wa gbẹnnẹ emwi vuọn rẹn obọ eva, a keghi ye emwi gba ẹe kugbe vbe ihe ihinrọn.