Daniẹl 12:3 - Edo Bible (E Baibol Ẹdo) Version 1996

³ Iran ne ọkaolotu ni wan ni rrọọ ghi gha fi wainwain zẹ vbe iso. Avbe emwa ni vbe ma emwa re ne iran gha ru emwi ne ọ gbae, gha fi wainwain zẹ vbe avbe orhọnmwẹ ni rre iso.”

Daniẹl 12:3 ပူးပေါင်းရင်းမြစ်များ

Ẹksọdọs 34:35

Iran ghi miẹn wẹ aro ẹre fi wainwain, ọ ghi vbe dọlegbe mu emwi gue aro ẹre ọ te sẹ ẹghẹ ne ọ gha ghi vbe ya gha khian ne ọ ya gu e Nọyaẹnmwa guan.

Itan 11:30

Uyinmwẹ esi, te ọ rhie arrọọ ne ọmwa, sokpan, te okhọ miẹn ọmwa ẹre.

Itan 3:35

Emwa ni wan gha titi vbe ọghọ sokpan, te akpa ra gha dọlegbe ya obọ silo efaa rri egbe.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Asan-Ibo 12:9

Sokpan, rhunmwuda ighe umẹwaẹn ọ re Asan-ibo khin, ọ keghi ma emwa emwi ne irẹn rẹnrẹn. Ọ ruẹ avbe itan kevbe uyinmwẹ ne ẹ i ru ero, ọ keghi vbe danmwẹ avbe ẹmwata ni rrọ ghe.

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Jerimaia 23:22

Akpawẹ te iran rẹn iro ẹkhokho ekhọe mwẹ, iran gha ta uhunmwu ne I gie ma emwa mwẹ, iran gha te ru ẹe ne iran sẹ uyinmwẹ dan ne iran yin kevbe emwi dan ne iran ru rae.

Daniẹl 11:33

Avbe ọkaolotu ni wan ọghe emwa nii, gha ma emwa ọvbehe nibun ẹwaẹn. Sokpan, vbe omwa ẹghẹ eso, iran gha gbele eso ua vbọ, a gha gien iran, iran ghi wulo, a gha do eso emwi viọ, a ghi munọ iran oghunmwu.

Daniẹl 11:35

A gha gbele eso ua vbe uwu iran ne ọkaolotu ni wan nii, sokpan, a gha la ekpa emwi vberriọ khue avbe emwa nii huan. Erriọ ọ re ọ na ra wa gha khian vbe otọ, ọ te do sẹ ufomwẹ, ẹghẹ ne Osanobua mwa mwa yọ.

Daniẹl 12:10

A gha ye emwa nibun khian nihuanrẹn. Iran ne emwa dan i ra rẹn otọ ẹre iran ghi ye gha ru emwi dan khian. Iran ni wan ọkpa ọ re ọ gha rẹn otọ ẹre.

Matiu 13:43

Sokpan ivbi Osanobua ghi gha fi wain wain vbe ughegbe vbe Arriọba Erha iran. Ne ọ mwẹ ehọ nian, gie ẹe họn.

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Matiu 24:45

“Gha ọre ọguọmwadia esi kevbe ne ọ wan nii, ọnii ọrọre ne arowa ẹre ya ru ne ọ gbe aro ghe eguọmwadia ne ihua ẹre ne ọ gha rhie evbare ne iran vbe ẹghẹ ne ọkere.

Iyẹn ne ọ Maan Ọghe Jọn 4:36

Ọmwa ne ọ rhọ emwiokọ, a ghi gha ha ẹre osa, ọ ghi gha rhọ emwiorhọ ye arrọọ ne ẹ i fo, ne ẹko miẹn ehe na rhiẹnrhiẹn ne ọ kọ emwiokọ kevbe ne ọ rhọ emwiokọ kugbe.

Iyẹn ne ọ Maan Ọghe Jọn 5:35

Jọn keghi ye vbe ukpa ne ọ baa, ne ọ vbe wan uwanmwẹ ladian, wa keghi ho ne uwa ya uwanmwẹ ọnrẹn zọmọ vbe ovbi e ẹghẹ kherhe.

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

I Kọrinti 3:10

Vbe uwu ne I na lo emwi ne Osanobua ya we mwẹ, I keghi bọ owa zẹ vbe ọmwa ne ọ rẹn iwinna ẹsẹse. I keghi gbe ẹyotọ. Ọmwa ọvbehe ọre ọ ghi ra do mu yan rẹn. Sokpan dọmwadẹ ọghọe ghi ye egbe ẹro vbene ọ họ ẹe hẹ.

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

Hibru 5:12

Ẹghẹ te sẹ nẹ ne uwa tobọ uwa gha ya gha re emamwaemwi, sokpan te uwa ye gualọ ọmwa ne ọ gha ma uwa ikpe orhu ẹmwẹ Osanobua. Ne uwa gha na gha rri evbare ne evbare, ewẹn uwa ye wẹn.

II Pita 3:15

Wa gha ka i ziengbe Nọyaẹnmwa ye ẹkpo otọ ne ọ rhie ne uwa, ne a ya miẹn uwa fan, zẹ vbene ọtẹn mwa ighẹ Pọl ya ẹwaẹn ne Osanobua rhie nẹẹn gbẹn ebe ẹre gie uwa.

Arhie Maan 1:20

Ọnọna ọrọre oro emwi ne a yae kha ighẹ orhọnmwẹ ihinrọn, ne u bẹghe vbe obọ erha ọmwa mwẹ, ke ẹe kevbe avbe erhan ọmukpa igoru ihinrọn nii, avbe orhọnmwẹ ihinrọn ni, ọrọre avbe odibosa avbe esọsi ihinrọn nii, avbe erhan ọmukpa ọrọre avbe esọsi ihinrọn nii.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.