Daniẹl 12:2 - Edo Bible (E Baibol Ẹdo) Version 1996

² Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Daniẹl 12:2 ပူးပေါင်းရင်းမြစ်များ

Itan 12:8

U gha mwẹ ẹwaẹn, emwa ghi gha tian ruẹn, sokpan, u gha re akpa, emwa ghi ye aro gbe uẹ re.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Ezikiẹl 37:12

Rhunmwuda ọnii, ta ẹmwẹ akhasẹ ma ivbi Izrẹl ne emwa mwẹ, ne u khama iran wẹ, mẹ ne Nọyaẹnmwa ne Osanobua, ra we idin iran unu an, I ra viọ iran ladian, ne I vbe viọ iran gha die otọe Izrẹl.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

Iwinna 7:60

Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.

Ebe ne Pọl gbẹẹn gie emwa Rom 9:21

A rẹnrẹn ighẹ ọmakhe sẹtin ya obuẹ ma emwi ne ọ khọn rẹn, ọ sẹtin fian vbe obuẹ ọkpa nii ya ma akhe ọpuẹkẹ ra ọghe aghanghan.

I Tẹsalonaika 4:14

Ma yayi wẹ Jesu wu, ọ keghi vbe dọlegbe rhiọkpaegbe, rhunmwuda ọnii, ma yayi wẹ emwa ni ya Jesu yi vbe iran te wulo, Osanobua gha vbe dọlegbe viọ iran lele Jesu gha dee.

Arhie Maan 20:12

I keghi bẹghe emwa ni wulo nẹ ke ni kpọlọ kevbe ni kanmwa, ehia mudia ye odaro ẹkete nii. Iran kegha we ebe, a keghi vbe we ebe ọvbehe, ebe emwa ni ma he wu. A keghi bu ohiẹn avbe eniwulo nẹ zẹ vbene emwi ne iran ru ue, zẹ vbene a gbẹn ọẹn ye ebe ni.