Daniẹl 12:1 - Edo Bible (E Baibol Ẹdo) Version 1996

¹ Odibosa ne ọ yọ ukpọn eto ovbiohuẹ nii keghi kha wẹẹ, “Ọ ghẹ ghi sẹ ẹghẹ nii, e Maikẹl ne ọka odibosa ne ọ gbearoghe avbe emwa ruẹn gha yegbe ladian, ẹghẹ orueghe ghi rre, egbe ne ọ he khọrhiọn sẹẹ, ke ne a ya bu agbọn tua agbọn. Ọ gha sẹ ẹghẹ nii, avbe ivbi ẹvbo ruẹ ne a gbẹnnẹ eni ẹnrẹn ye ebe Osanobua, a gha miẹn iran fan.

Daniẹl 12:1 ပူးပေါင်းရင်းမြစ်များ

Psalm 56:8

Wẹ rẹn vbene obọ orueghe da mwẹ sẹ hẹ, wẹ gbẹnnẹ ẹmwẹ ameve mwẹ ye otọ nẹ, a ma mwamwa iran ye otọ vbe ẹbe ruẹ ra?

Psalm 69:28

Te a gha khiẹn eni iran hin ẹbe emwa ni rre agbọn rre; ai gha ka iran ba emwa ruẹn.

Aizaia 4:3

Emwa hia ne a ghi sẹrae vbe Jerusalẹm, iran ne Osanobua hannọọ zẹ vbọ wẹ ne ọ miẹn uhunmwu, a gha tie iran nọhuanrẹn.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Ezikiẹl 13:9

Ẹ i ghi rrei gbe I rri uwa ne akhasẹ ni miẹn umian ohoghe oya, ne uwa na vbe ta emwi ne a miẹn yotọ ni de ọmwa odẹ. Wa i ra gha rre evba vbe ẹghẹ ne avbe emwa mwẹ gha na si koko ne iran ta vbene iran gha ru emwi hẹ, a i ra vbe gbẹnnẹ eni uwa ba ọghe ivbi emotọ Izrẹl, wa i ra vbe dọlegbe gha rrie otọe uwa ẹdẹdẹmwẹdẹ. Ẹghẹ nii, wa gha na rẹn ighe mẹ ọrọre e Nọyaẹnmwa ne Udazi.

Ezikiẹl 34:24

Mẹ ne Nọyaẹnmwa ghi gha re Osanobua iran, ọba ne ọ yevbe Devid ne ọguọmwadia mwẹ ghi gha re ne ọ khaemwisẹ yan iran. I tae nẹ.

Ezikiẹl 5:9

Rhunmwuda emwi ni sọnnọ mwẹ hia ne u ru, I gha rri e Jerusalẹm oya gberra vbene I he ka ru ẹe sẹ ẹdẹ, kevbe vbene I i ghi ra dọlegbe ru ẹe ọvbehe.

Daniẹl 10:13

Odibosa ne ovbi ọba ne ọ re ọghe otọe arriọba e Pẹsia keghi mu aro igbinna da mwẹ la ikpẹdẹ ọkpa yan ugie, ẹre Maikẹl, ọkpa vbe uwu avbe ọka odibosa na gha dee do yọmwẹ obọ rhunmwuda mẹ ọkpa ọ re a ghi sẹrae ye Pẹsia vbe evba.

Daniẹl 11:45

Ọ gha ya mu avbe owa ukpọn ọba ọghọe ne tẹgbẹẹ, ye ẹkpo okun kevbe oke nọkhua, ne a bọ Ọgua Osa yi sokpan, Ọ gha wu vbene ọmwa rhọkpa i ra na gha rre evba ne ọ gha yọre obọ.”

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Daniẹl 9:12

U ru avbe emwi ne u khare ighe u gha ru ima kevbe iran ni mwẹ asẹ vbe uhunmwu ima re. U rrii e Jerusalẹm oya ne obọ da ẹe sẹe vbene u he ru ẹvbo ọvbehe ne ọ rhirhi a gha khin vbe otọ agbọn re.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Matiu 24:21

Rhunmwuda ọkhọ ne ọ ra sunu ẹdẹnẹdẹrriọ keghi re egbe ne a ma he miẹn ke ne abuagbọn tuagbọn gha dee do sẹ ẹdẹnẹrẹ na. A i ra vbe dọlegbe miẹn egbe ọre ẹdẹ.

Iyẹn ne ọ Maan Ọghe Mak 13:19

Rhunmwuda ọlọghọmwa ọghe ẹdẹ ne ẹdọ keghi re egbe ne a ma he miẹn ke ne a bu agbọn tu agbọn gha dee do sẹ ẹdẹ ne ẹrẹna. A i ra vbe dọlegbe miẹn egbọre.

Iyẹn ne ọ Maan Ọghe Luk 10:20

Sokpan ẹ i re ne avbe orhiọn esu na họn ẹmwẹ ne uwa ọre uwa gha ghọghọ yi, sokpan wa gha ghọghọ ighe a gbennẹ eni uwa ye otọ vbe ẹrinmwi.”

Ebe ne Pọl gbẹẹn gie emwa Rom 11:15

Rhunmwuda, ugbẹn vbe a he iran, a keghi ya agbọn khian ọse Osanobua. Vbe uwẹ a ghi yayi ighẹ ogha ye hẹẹ khekherriọ ugbẹn vbe a gha rhan obọ miẹn iran? Iran ni te wulo gha wa rrie agbọn!

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

Ẹfisọs 1:21

Evba nii ọre Kristi na dakha yan avbe ọdakha ni rre ẹrinmwi hia, kevbe asẹ kevbe ẹtin kevbe iran nekhua, rẹn yo sẹẹ eni ne a rhie asẹ na hia, ni rre agbọn na kevbe agbọn ne ọ dee.

Filipai 4:3

Kevbe uwẹ, ogieva mwẹ ne ekhọe esi ne ima gba winna kugbe, lahọ ru iyobọ ne avbe ikhuo na, rhunmwuda, iran mobọ kakabọ gun mwẹ winna vbe uwu ne a na kpe orhu iyẹn ne ọ maa, kevbe Klẹmẹnt kevbe avbe iho mwa nekpa ne ima gba winna, eni emwa ne a gbẹnnẹ ye uwu ebe ẹfe ọghe Osanobua nẹ.

Ebe ne Jud gbẹẹn 1:9

Maikẹl ne olotu avbe odibo Osa ne a rẹn egbe, ma ru emwi vberriọ. Ẹghẹ ne ẹzọ na sunu ne irẹn vbe Setan, vbe iran muan ẹmwẹ ye ọmwa ne ọ gha mu ikun e Mosis, ohan ma gie Maikẹl ya ihẹn yan Setan ya bu ohiẹn gbẹe, sokpan ọ keghi kha wẹ, “Nọyaẹnmwa ọre ikọ uẹ.”

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.

Arhie Maan 12:7

Ẹghẹ nii ọre okuo na sa vbe ẹrinmwi. Maikẹl kẹe kevbe avbe odibosa kegha gu Ugbogiorinmwi nii khọn, rẹn keghi viọ avbe odibo ẹre ba egbe, ọ na vbe gha gbinna.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 20:12

I keghi bẹghe emwa ni wulo nẹ ke ni kpọlọ kevbe ni kanmwa, ehia mudia ye odaro ẹkete nii. Iran kegha we ebe, a keghi vbe we ebe ọvbehe, ebe emwa ni ma he wu. A keghi bu ohiẹn avbe eniwulo nẹ zẹ vbene emwi ne iran ru ue, zẹ vbene a gbẹn ọẹn ye ebe ni.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.

Arhie Maan 3:5

Iran ni khọnmiotọ nẹ, erriọ ọre a ra yọ iran ukpọn nọ fua. Mẹ i ra vbe khiẹn eni iran hin ebe emwa ni ma wu rre. Vbe odaro Erha mwẹ kevbe avbe odibo ẹre, I ghi miẹn kue wẹ emwa mwẹ ọre iran khin.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.