Daniẹl 11:7 - Edo Bible (E Baibol Ẹdo) Version 1996

⁷ “Vbe ọ ma he kpẹe, vbe iyeke ọnii, ọkpa vbe uwu avbe etẹn okhuo na nikpia, gha rriọba ọ gha mu okuo gie ivbiyokuo e Siria ọ ghi la otọe iran, ọ ghi khọn miẹn iran otọ.

Daniẹl 11:7 ပူးပေါင်းရင်းမြစ်များ

Job 14:7

“Idaehọ ye rrọọ ne erhan ne a tọn gbotọ nẹ. Ọ sẹtin ye vbe fe, ọ ghi zọọ.

Psalm 109:8

Gie ufomwẹ ẹdagbọn rẹn zẹgiẹ rre; ne ọmwa ọvbehe rhie ihe ẹre vbe iwinna!

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 9:14

Vbe ikpẹdẹ ọkpa kẹkan, e Nọyaẹnmwa gha rria avbe ọkaolotu Izrẹl kevbe avbe emwa rẹn ikhi, ọ gha giagia iran kua, ke uhunmwu kevbe ẹrhunrhun.

Jerimaia 12:2

U gbọ iran, iran keghi zẹlẹ inian iran wan rẹn, iran keghi mọ. Ẹghẹ hia iran ya so eni ruẹn ne ọ maa sevba, iran i mobọ zẹ ye uwẹ re.

Ezikiẹl 17:18

Ọ rri ihen ne ọ vẹn, ọ rra ebe ne ọ rhie obọ yi. Ọ ru avbe emwi na hia, banbanna nian, ẹ i miẹn uhunmwu.”

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Daniẹl 11:6

Ukpo eso ghẹ ghi gberra nẹ, ọba Igipt gha gu ọba e Siria rhie obọ ye ebe, ọ ghi vbe rhie ovbi ẹre ne okhuo ne ẹẹn rhie rọnmwẹ, sokpan, a gba re ọkpa na i ra tọ vbe otọ, rẹn ighe okhuo na, ọdọ ẹre, ovbi ẹre, kevbe avbe eguọmwadia ni lele ẹe gha khian, a gha gbele ehia a.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”