Daniẹl 11:38 - Edo Bible (E Baibol Ẹdo) Version 1996

³⁸ Ye ihe ọnọna, ọ gha ya ọghọ ne ẹbọ ne ọ sẹtin mu odin ẹvbo mwẹ ne ẹbe ghẹ rre. Ọ ghi ya igoru, esiliva kevbe avbe ikpẹrọnmwọ, kevbe emwi ihaoko ni ghan hia gha zẹ ọhẹ gie avbe ẹbọ ne avbe erha ẹe odede ma gho.

Daniẹl 11:38 ပူးပေါင်းရင်းမြစ်များ

Aizaia 44:9

Iran hia ni mannọ amazẹ, emwa oya iran khin avbe ẹbọ ne iran ghe gẹdẹgbẹ i zẹdẹ mwẹ esa, iran ni gho avbe ẹbọ na, emwa ni rhu aro, ni ma rẹn ne a ye, ọ re iran khin, a gha fa iran hia a.

Daniẹl 11:37

Ọba na gha yangbe ẹbọ ne iran ni karo ne ẹẹn ghoro. Kevbe avbe ẹbọ ne avbe ikhuo ho ẹmwẹ ọnrẹn. Vbe ẹmwata, te ọ ra yangbe avbe ẹbọ hia rhunmwuda, rẹn wẹ, rẹn kpọlọ sẹẹ iran hia.

Daniẹl 11:39

Avbe emwa ni gho ẹbọ ẹrrẹe ọ re ọ khian viọ yọ ne iran gha gbearoghe odin ẹvbo ne ẹbe ghẹ rre. Ọ gha kakabọ ya ọghọ ne iran ni rhan obọ miẹn rẹn zẹ vbe ọmwa ne ọ khaemwisẹ yan iran, ọ ghi viọ iran ye ukpo ni yo. Ọ ghi gha otọ mu ne iran ya san iran ẹse.

Daniẹl 11:7

“Vbe ọ ma he kpẹe, vbe iyeke ọnii, ọkpa vbe uwu avbe etẹn okhuo na nikpia, gha rriọba ọ gha mu okuo gie ivbiyokuo e Siria ọ ghi la otọe iran, ọ ghi khọn miẹn iran otọ.

I Timoti 4:1

Te Orhiọn wa ta ẹe gbe ẹe ẹre ẹho rua wẹ, ọ gha sẹ ẹdẹ okiekie, emwa ni bun gha mu iyayi fua, iran ghi gha ru ne orhiọn ohoghe khare kevbe iruẹmwi esu.

Arhie Maan 18:12

Ọmwa rhọkpa ma ghi dẹ igoru iran kevbe esiliva kevbe ukpọn ododo, esiliki kevbe ukpọn nọ baa rriẹrriẹ, avbe erhan ne a i rherhe miẹn nii hia, kevbe avbe emwi hia ne a ye akọn eni ru, kevbe erhan ne ọ ghan ẹsẹse, emwi ne a ya oze ru kevbe ematọn kevbe okuta ẹrọnmwọ.