Daniẹl 11:35 - Edo Bible (E Baibol Ẹdo) Version 1996

³⁵ A gha gbele eso ua vbe uwu iran ne ọkaolotu ni wan nii, sokpan, a gha la ekpa emwi vberriọ khue avbe emwa nii huan. Erriọ ọ re ọ na ra wa gha khian vbe otọ, ọ te do sẹ ufomwẹ, ẹghẹ ne Osanobua mwa mwa yọ.

Daniẹl 11:35 ပူးပေါင်းရင်းမြစ်များ

II Krọnikol 32:31

Uhin ẹghẹ ne emwa ne a gie ke Babilọn rre na do nọ ọta vbe ekpa ogiemwi eso ne ọ sunu vbe otọe ni, Osanobua keghi gie Hẹzekaia khian vbene ọ khọn rẹn, ne ọ miẹn ehe na ghe vbene uyinmwẹ ọnrẹn ye hẹ.

Itan 17:3

Erhẹn ọ re a ya danmwẹ igoru kevbe esiliva ghe, sokpan, e Nọyaẹnmwa ọ re ọ ghe ekhọe ọmwa ghe.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Daniẹl 11:27

Vbe iyeke ọnii, avbe ọba eveva na gha gba tota rrie evbare vbe eteburu ọkpa sokpan, emwamwa dan ọre ọ rre iran ekhọe, iran ghi gha ta ohoghe ma egbe. Obọ iran i ra sẹ emwi ne iran ho, rhunmwuda, ẹghẹ emwi nii ma he sẹ.

Daniẹl 11:29

“Ọ gha ghi kpẹe kherhe, ọ ghi dọlegbe mu okuo gha rrie Igipt, sokpan, emwi ughaẹn ọre ọ ghi ra sunu vbe ẹghẹ na.

Daniẹl 11:33

Avbe ọkaolotu ni wan ọghe emwa nii, gha ma emwa ọvbehe nibun ẹwaẹn. Sokpan, vbe omwa ẹghẹ eso, iran gha gbele eso ua vbọ, a gha gien iran, iran ghi wulo, a gha do eso emwi viọ, a ghi munọ iran oghunmwu.

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Daniẹl 12:3

Iran ne ọkaolotu ni wan ni rrọọ ghi gha fi wainwain zẹ vbe iso. Avbe emwa ni vbe ma emwa re ne iran gha ru emwi ne ọ gbae, gha fi wainwain zẹ vbe avbe orhọnmwẹ ni rre iso.”

Daniẹl 12:4

Ọ keghi tama mwẹ wẹẹ, “Banbanna, e Daniẹl, gue ebe nii ne u gbae rhie hin rre ọ te ya sẹ ufomwẹ agbọn. Vbe uwu ẹghẹ na nian, emwa nibun gha wa mu ẹghẹ iran rhia, iran ghi gha hia ne iran rẹn otọ emwi ni sunu khian.”

Daniẹl 8:10

Ọ wegbe sẹrriọ wẹ ọ keghi sẹtin gha gu ivbiyokuo ẹrinmwi gbinna, avbe orhọnmwẹ tobọ iran, ọ keghi munọ eso gbotọ vbọ, ọ na ye owẹ rrilo iran ginna otọ.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Daniẹl 8:19

Ọ wẹẹ, “Te I rhie ma ruẹn na emwi ne ọ ra lae rre ighe ohu ne ọ mu Osanobua. Umian ẹghẹ ufomwẹ agbọn ọ re ọ de mu.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Habakọk 2:3

Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Iyẹn ne ọ Maan Ọghe Jọn 15:2

Abọ ne ọma mọ vbọ, ọ ghi fiaẹn mu fua, abọ ne ovbe mọ, ọ ghi kpannọ igẹngẹn ọnrẹn kua ne ọ miẹn ehe na fanmwegbua, nọ miẹn ehe na gha mọ ẹse.

Iyẹn ne ọ Maan Ọghe Jọn 20:25

Avbe erhuanegbe nekpa keghi khama rẹn wẹẹ, “Ma miẹn Nọyaẹnmwa.” Tọmọs khama iran wẹẹ, “Deghẹ ẹ i re te imẹ bẹghe ama ise vbe obọ ẹre, ne I rhie ukpẹ ihiẹn obọ mwẹ ye ehe ne avbe ise nii te gha ye, ne I vbe ya obọ mwẹ kan rẹn efẹn, I i ra yayi.”

Iwinna 13:13

Pọl ke ẹe kevbe otu ẹre keghi gua okọ ke Pafọs gha die Pẹga ne ọ rre Pamfilia, sokpan Jọn Mak keghi sẹ iran rae vbe evba, ọ na gha rrie Jerusalẹm.

Diuteronomi 8:16

Ọ rhie mana ne uwa re vbe uwu ato, egbe evbare ne avbe erha uwa odede ma re ẹdẹ. Ọ keghi gie ọlọghọmwa gie uwa ne ọ miẹn ehe na danmwẹ uwa ghe, ne ọ miẹn ehe na ya emwi ne ọma fiangbe uwa vbe okiekie.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

Arhie Maan 14:15

Odibosa ọvbehe keghi ke uwu Ọgua Osa ladian, ọ keghi ya urhu ne ọ la datu tama odibosa ne ọ tota yan okuku ni wẹẹ, “Ye abẹkpẹn ruẹn gha rhọ emwiorhọ, rhunmwuda ẹghẹ ne ọ kei yi, ne a ya rhọ emwiorhọ sẹ nẹ.”

Arhie Maan 17:17

Rhunmwuda Osanobua rhie ye iran ekhọe, ne iran gha ho ne iran ru vbene irẹn ho, ne iran gha ru emwi kugbe, ne iran vbe viọ ẹtin iran, ne aranmwẹ oha nii ya gha khaemwisẹ, rhinrin ẹmwẹ Osanobua te do sẹ.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.