Daniẹl 11:33 - Edo Bible (E Baibol Ẹdo) Version 1996

³³ Avbe ọkaolotu ni wan ọghe emwa nii, gha ma emwa ọvbehe nibun ẹwaẹn. Sokpan, vbe omwa ẹghẹ eso, iran gha gbele eso ua vbọ, a gha gien iran, iran ghi wulo, a gha do eso emwi viọ, a ghi munọ iran oghunmwu.

Daniẹl 11:33 ပူးပေါင်းရင်းမြစ်များ

Daniẹl 12:10

A gha ye emwa nibun khian nihuanrẹn. Iran ne emwa dan i ra rẹn otọ ẹre iran ghi ye gha ru emwi dan khian. Iran ni wan ọkpa ọ re ọ gha rẹn otọ ẹre.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Matiu 10:21

“Emwa gha silo etẹn iran ladian ne a gbelua, erriọ ọre erha gha vbe ru emọ. Emọ gha mu aro da erha iran, iran ghi gbele iran an.

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 20:23

Jesu wanniẹn tama iran wẹẹ, “Ẹmwata nọ ighe wa gha wọn vbe uwu ukpu mwẹ. Sokpan, mẹ i mwẹ asẹ ne a ya zẹ ọmwa ne ogha tota ye obọ erha ọmwa kevbe obọ iye ọmwa mwẹ. Avbe emwa ne Erha mwẹ rhie ẹre ye otọ khẹ ọre ọ yan rẹn.”

Matiu 24:9

“A gha vbe munọ uwa, a ghi vbe viọ uwa gie emwa ni gha rri uwa oya. Emwa hia ghi gha khuiwu uwa ba ẹmwẹ mwẹ.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 14:21

Pọl kevbe Banabas keghi kpe orhu Iyẹn Ne ọ maa vbe Dẹbi, iran keghi miẹn emwa ni bun viọ ba egbe vbe evba. Iran keghi werriegbe gha rrie Listra kevbe Aikọniọm kevbe Antiọk ne ọ rre Pisidia.

I Kọrinti 4:9

Rhunmwuda, ọ yẹ mwẹ vbene a miẹn wẹẹ, ma ne ukọ ọre Osanobua hẹ ke odieke zẹ vbe emwa ne a wẹ ne a ya gbele ua ye ada, ne agbọn vbe ẹrinmwi miẹn gha ghe.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

II Timoti 4:6

Zẹ vbe ọghomwẹ, ẹghẹ ne a ra na ya mwẹ zọ ese, sẹ nẹ nian, ẹghẹ sẹ nẹ ne I ra ya fi agbọn na ye otọ.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

Arhie Maan 1:9

Mẹ ọrọre Jọn ne ọtẹn uwa ne okpia, ọmwa ne ọ kugbe ba Kristi, ọ na vbe gu uwa gha ghae vbe uwu oya uwa kevbe Arriọba ẹre, kevbe uwu iziengbe. Iran keghi ya mu mwẹ fi otọe ne amẹ lẹga ne a tie ẹre Patmọs, rhunmwuda ighẹ I ta ẹmwẹ Osanobua kevbe ẹmwata ne Jesu rhie ladian ne a miẹn.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.

Arhie Maan 2:13

I rẹn ehe ne u ye, evba nii nọ ighẹ ehe ne ẹkete Setan ye. Te u wa rhie egbe lele mwẹ, u ma mu iyayi ruẹ fi otọ, uhin ya sẹ ne iran na gbẹe rua vbe ehe ne Setan ye ighẹ Antipas ne ọguọmwadia ẹmwata mwẹ.

Arhie Maan 6:9

Iyeke ọnii, Oteghe Ohuan nii keghi rhan emwi ne a gbae nii. I ghi ya ghe ototọ ogiukpo, orhiọn emwa hia ne a he gbele ua rhunmwuda ighẹ iran kpe orhu ẹmwẹ Osanobua, iran keghi vbe gha re emwa ni mu aro ye ẹmwẹ osẹ ne iran sẹ.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.