Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Daniẹl 11:27 - Edo Bible (E Baibol Ẹdo) Version 1996

27 Vbe iyeke ọnii, avbe ọba eveva na gha gba tota rrie evbare vbe eteburu ọkpa sokpan, emwamwa dan ọre ọ rre iran ekhọe, iran ghi gha ta ohoghe ma egbe. Obọ iran i ra sẹ emwi ne iran ho, rhunmwuda, ẹghẹ emwi nii ma he sẹ.

အခန်းကိုကြည့်ပါ။ ကော်ပီ




Daniẹl 11:27
24 ပူးပေါင်းရင်းမြစ်များ  

Sokpan, Absalọm keghi kha wẹẹ, “A deghẹ erriọ nọ khekherriọ, u gha vbe gie Amnọn ne ọtẹn mwẹ gha khian ra.” Ọba keghi wanniẹn wẹẹ, “Vbọzẹ ne ọ gha na yo yi.”


Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.


Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.


Hiehiere! Emwi dan ne uwa ra ru ọkpa, ọ re uwa zẹ iro ẹre, wa ghi vbe gha ru orukhọ ekhọe dan vbe otọe nii.


Te emwa yevbe uhiọnrọnmwẹ ihue, ke ne ọ kpọlọ kevbe ne ọ kanmwa, kẹkan ehia khin. Mu iran ye omwa iran i si uwan rhọkpa iran hogha sẹ uhiọnrọnmwẹ kẹkan.


Iran gha si uma dan nẹ iran ghi kha wẹẹ, “Iba ne ọ defiọ fo, ọ re ima wa mwamwa ye otọ na.” Ọkpaodin ọ re ekhọe kevbe orhiọn ọmwa nagbọn khin.


Emwa ni ziro emwi dan, emwi dan gha vbe de gbe iran, sokpan, iran ni winna ye ọmaa, gha miẹn ẹko ne ọ rhiẹnrhiẹn.


Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.


Ẹmwẹ ọrhiẹnrhiẹn vbukpẹ ne ọ ma gia rẹn emwi ne ọ rre ọmwa ẹko, te ọ yevbe ose ne ọ rre egbe uwawa obuẹ ọpuẹkẹ.


“Ọta ne imẹ ne Nọyaẹnmwa ne Udazi ghi nọ nian ọrọre. Azara na gha sẹtin gha rrọ ra ne ọ vbe gha wan yọ? Ẹ i re te oghohọn ne okaro ra si ẹe vbọ fua ne ọkhuọn ẹre ọmọ kua, ne ọ bunnọ ẹre abọ, ne ọ gie ehia vbe kaka a? A i vbe gualọ olẹtin ra okpẹvbo nọkhua ne ọ gha do si ẹe vbọ fua.


Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.


Ọba e Siria gha viọ emwi ne ọ khọn viọ vbe okuo gha rrie owa, ọ ghi wa mu aro yọ wẹẹ ne irẹn kie ẹre ukpẹ ighe ẹmwẹ ugamwẹ ẹmwẹ Osanobua. Ọ gha da gbe da mu, ọ ghi vbe werriegbe gha rrie ẹvbo ẹre.


“Ọ gha ghi kpẹe kherhe, ọ ghi dọlegbe mu okuo gha rrie Igipt, sokpan, emwi ughaẹn ọre ọ ghi ra sunu vbe ẹghẹ na.


A gha gbele eso ua vbe uwu iran ne ọkaolotu ni wan nii, sokpan, a gha la ekpa emwi vberriọ khue avbe emwa nii huan. Erriọ ọ re ọ na ra wa gha khian vbe otọ, ọ te do sẹ ufomwẹ, ẹghẹ ne Osanobua mwa mwa yọ.


“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.


E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”


Ọ wẹẹ, “Te I rhie ma ruẹn na emwi ne ọ ra lae rre ighe ohu ne ọ mu Osanobua. Umian ẹghẹ ufomwẹ agbọn ọ re ọ de mu.


Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.


Jesu tama iran wẹẹ, “Ẹghẹ ne ọ khian gha khin, kevbe emwi ne ọ gha sunu, ẹtin Erha mwẹ mwamwa ẹn nẹ, ọ ma kan uwa hiehiere ne uwa rẹn ẹghẹ ne ọ khian gha khin.


Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”


Etẹn mwẹ, ẹ i re ne I vbe dọlegbe gha gbẹnnẹ ebe gie uwa vbe ekpa ọghe ama, kevbe ẹghẹ ne avbe emwi na gha ya sunu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ