Daniẹl 11:23 - Edo Bible (E Baibol Ẹdo) Version 1996

²³ Ọ gha ya iku ne a kpe gie ọmwa mu avbe uhunmwu ẹvbo ọvbehe ru, ọ ghi vbe gha wegbe yọ wegbe yọ, egbe ne a ya miẹn wẹ ovbi ẹvbo tuai ọ re irẹn rriọba yan.

Daniẹl 11:23 ပူးပေါင်းရင်းမြစ်များ

Gẹnẹsis 34:13

Ivbi e Jekọb keghi rhie ewanniẹn ne ọ gha gbe iran ekhọe ẹwaẹn rua ne Siẹkẹm kevbe Hamọ ne erha ẹe rhunmwuda te Siẹkẹm fa Dina ne ọtẹn iran an.

Psalm 52:2

U zẹ iro vbene u gha mu agbọn rhia ye ẹrrẹe obọ hẹ aranmwẹ ruẹn yevbe abẹe ne ọ mu, ẹghẹ hia ọ re u ya zẹ ohoghe ta.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Daniẹl 11:22

Ọmwaikọmwa ne ọ gbe odan ghe ẹre, ọ gha khọn rẹn ne ọ gha re Ogie Ohẹn Osanobua, a ghi wa ho ẹre bẹkun.

Daniẹl 11:24

Ọ gha mu okuo gie iyaẹvbo ne ẹfe ye vbe a ma ro a ma kọ, ọ gha vbe ru egbe ne avbe ọba ni karo ma ru. Ọ gha ghae avbe ẹfe kevbe emwi ne ọ fu viọ ke okuo ne, ne avbe ekpayẹ ọre. Ọ gha ru emwamwa vbene irẹn gha ya khọn avbe ẹvbo ne a gbe odin ga hẹ, sokpan, ẹ i kpẹe ọghọe ke fo vbotọ.

Daniẹl 8:24

Rẹn gha wa wegbe sokpan, ẹ i re vbekpa ẹtin obọ ẹre. Ọ gha wa rhia emwi nibun ọghe ọhanabe, emwi hia ne ọ ru ghi wa vbe gha dinnodẹ ne ẹẹn. Ọ gha si ọfuan ye emwa ni mwẹ ẹtin nibun egbe, kevbe avbe emwa Osanobua.

Daniẹl 8:25

Rhunmwuda ighe ọmwa ero nọ, emwi ero ne ọ ru hia ghi wa gha dunna ne ẹẹn. Rẹn gha wa gha ye emwi ne irẹn khin hio, ọ ghi vbe fuẹn emwa nibun uan vbe a ma ro a ma kọ, uhin ighe te ọ ra yagha Ọba ne ọ kpọlọ Sẹehia fẹẹrẹ sokpan, a gha fuẹn ọnrẹn uan vbe ne a i na lo ẹtin ọmwa nagbọn hiehiere.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

II Tẹsalonaika 2:9

Ẹtin e Setan ọre Ọmwa Dan nii gha ya rre, ọ ghi winna iwinna ọyunnuan ughughan, kevbe orhiemaa ohoghe, kevbe ọyunnuan.