Daniẹl 11:21 - Edo Bible (E Baibol Ẹdo) Version 1996

²¹ Odibosa nii keghi ye gha rhan otọ ẹre khian, ọ wẹẹ, “Ọba ọvbehe ne ọ ghẹ ghi re lele ẹe vbe Siria gha re ọmwa dan ne ọba ma khẹ ke hiehiere, sokpan, ọ gha rre vbe udomwurri, ọ gha ye ero vbe iwegbe tota ye ẹkete.

Daniẹl 11:21 ပူးပေါင်းရင်းမြစ်များ

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Aizaia 32:5

Ọmwarhọkpa i ghi ra vbe tie ọzuọ adazẹ ra ne ẹwobi gha re ne odẹ ọ re rriẹe.

Daniẹl 11:20

“Ọba ọvbehe gha vbe re lele ẹe, ne ọ gha vbe gie ọkaokuo ne ọ ya gha wọ emwa nii uhunmwu vbekpa igho uhunmwu ne a zẹ ne ọ miẹn ehe na viọ vuọn ẹfe ne ọ rre otọe arriọba ẹre. Sokpan, a gha gbe ọba nii vbe ọ ma he kpẹe, ẹ i ra gha re ne agbọn wa rẹn, ẹ i re vbe gha re vbe okuo.”

Daniẹl 11:32

Ọba nii gha ye ero viọ iran ni mu iyayi ni fua nẹ ba egbe, sokpan, iran ni lele Osanobua gha gu iran gbinna.

Daniẹl 11:34

Ẹghẹ ne a gha na gha gbele iran an nii, emwa Osanobua gha miẹn iyobọ kherhe, a gha rhe miẹn wẹ nibun vbe uwu iran ni deba irẹn mwẹ emwi obọ iran ne iran gualọ vbọ.

Daniẹl 11:7

“Vbe ọ ma he kpẹe, vbe iyeke ọnii, ọkpa vbe uwu avbe etẹn okhuo na nikpia, gha rriọba ọ gha mu okuo gie ivbiyokuo e Siria ọ ghi la otọe iran, ọ ghi khọn miẹn iran otọ.

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 7:8

Ehe ne I na ghe avbe igho ẹre nii, I keghi miẹn igho ọkpa tunnẹ, ọ kegha zọ ladian vbe adesẹneva iran nekpa, ọ keghi kpannọ eha kua vbe avbe igho ni ka gha rre evba. Igho na kegha mwẹ aro ọmwa nagbọn kevbe unu ne ọ wa yan dunmwu ẹgun.

Daniẹl 8:23

“Ọ ghẹ ghi gha bu ẹghẹ ufomwẹ avbe arriọba na, ighe te emwi dan ne a ru ghi gua iran obọ ro sẹ vberriọ wẹ ẹ i ghi mwẹ a ma rri iran oya, ọba ne ọ zevbudu ne ekhọe dan kevbe ọrẹrẹ ọmwa ghi do rriọba.

Daniẹl 8:25

Rhunmwuda ighe ọmwa ero nọ, emwi ero ne ọ ru hia ghi wa gha dunna ne ẹẹn. Rẹn gha wa gha ye emwi ne irẹn khin hio, ọ ghi vbe fuẹn emwa nibun uan vbe a ma ro a ma kọ, uhin ighe te ọ ra yagha Ọba ne ọ kpọlọ Sẹehia fẹẹrẹ sokpan, a gha fuẹn ọnrẹn uan vbe ne a i na lo ẹtin ọmwa nagbọn hiehiere.

Daniẹl 8:9

Igho ọkpa kherhe keghi vbe zọ ladian vbe uwu ọkpa vbe uwu igho enẹ na, ẹtin ẹnrẹn keghi nien obọ sẹ odẹ ekẹn kevbe ahọ kevbe ghe Otọe Eyan nii.

Nahum 1:14

Ẹmwẹ ne Nọyaẹnmwa ye ẹre iyi vbe ekpa Asiria ọ re ọna khin: “Iran i ra miẹn ivbi uniẹn iran ne ọ gha khuẹnniẹn eni iran khian, I gha guọghọ ehia ighe avbe amazẹ ni rre aro ẹbọ iran. I fian idin ye otọ khẹ ivbi Asiria nẹ. Ọ ma kei ne iran di agbọn ya.”

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.