Daniẹl 11:2 - Edo Bible (E Baibol Ẹdo) Version 1996

² Ẹmwẹ ne I ra tama ruẹn na, ẹmwata nọ.” Odibosa nii keghi kha wẹẹ, “Ọba eha gha khaemwisẹ lele egbe vbe Pẹsia, ne ogienẹ gha vbe lele iran, rẹn na gha wa fe sẹẹ iran nekpa hia. Ẹghẹ ne ẹtin ẹnrẹn gha na wa kpọlọ sẹẹ, kene ẹfe ẹre gha na vbe bu sẹẹ, ogha si arriọba e Gris evẹn.

Daniẹl 11:2 ပူးပေါင်းရင်းမြစ်များ

Ẹzra 4:24

A te da obọ iwinna yi nẹ vbe Ọgua Osa, ọ keghi da obọ yi rhinrin ya sẹ ukpo ne ogieva ne Dariọs ne ọgbaisi e Pẹsia la ẹkete.

Ẹzra 4:7

Erriọ vbe nọ, ẹghẹ ne Atakzaziz ne ọgbaisi e Pẹsia na vbe gha rre ẹkete, e Bislam, e Mitredat, e Tabil kevbe ivbi otu iran keghi gbẹn ebe mu gie ọgbaisi. Ẹvbo Arameik ọ re iran ya gbẹn ebe nii, Iran na wẹ ne a zedu ẹre vbe a gha tie ẹre.

Ẹsta 1:1

Ẹkete Ọba ẹre, ne ọ tota yi vbe Susa ne igiogbẹ otọe ẹvbo Pẹsia ọ re Kzakzis ne ọba kegha khaemwisẹ yan agbọn ẹvbo ihinrọn yan iyehan (127), ke India ne gban an gha dee do sẹ e Sudan.

Itan 22:21

Ọ gha vbe ma ruẹn emwi ne ọre ẹmwata ne ọ rrọ. Ẹghẹ nii, ọ ghẹ ghi giọ wẹ ne u ya gualọ otọ ẹre ladian, u ghi miẹn ewanniẹn ẹmwata ne ọ rrọ rhie rre.

Daniẹl 10:1

Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.

Daniẹl 11:25

“Ọ gha ye udinmwẹ si ivbiyokuo nibun koko ne ọ mu okuo gie ọba Igipt. Ọnii ghi vbe mu egbe ne ọ ye ivbiyokuo ọgbẹgbẹ nọkhua gu ẹe gbinna. Sokpan, a gha rẹrẹ ọba Igipt, ẹtin ẹnrẹn i ra sẹ ọe.

Daniẹl 7:5

Aranmwẹ ne ogieva keghi yevbe akpakomiza ne ọ ye owẹ odieke ẹre mudia, ọ keghi ye akọn khuaa ifẹnmwaguẹ eha mwẹ vbe unu. Urhu ọkpa keghi tama rẹn wẹẹ, “De yan rẹn, rri emiowo vbene ẹtin ruẹn sẹ ọe sẹ.”

Daniẹl 8:21

Ẹwe ne ọ rrọ mudia ye ihe arriọba e Gris, igho ne bọzi ne ọ rre ẹkpo aro ẹre eveva keghi mudia ye ihe ọba ne okaro vbọ.

Daniẹl 8:26

Avbe umian ne ọ dekan ẹmwẹ ese ota vbe owiẹ, ne a vbe rhaan otọ ẹre ma ruẹn nẹ, ọ gha sunu. Sokpan he gie ẹe gha rre ẹko ruẹ ọkpa rhunmwuda ọ gha kpee ẹsẹse ọ ke do sunu.”

Daniẹl 8:4

I keghi bẹghe vbe ogho nii ya igho so emwi rrie odẹ ahọ, odẹ okuọ kevbe orrie. A ma miẹn aranmwẹ ọkpa ne ọ sẹtin rrọ ẹre ra ne ọ lẹ fe vbe obọ ẹtin ẹnrẹn. Vbene ọ khọnrẹn ọ re ọ wa gha ru, ọ na wa gha hio paipai.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Iyẹn ne ọ Maan Ọghe Jọn 10:35

Ma rẹnrẹn wẹ ẹmwẹ ne ebe ne ọ huanrẹn tae, ẹmwata ẹtẹbitẹghori ọre nọ. Osanobua tie iran ne a rhie ẹmwẹ ọnrẹn na, Osanobua.

Arhie Maan 21:5

Ọmwa ne ọ tota ye ẹkete keghi kha wẹẹ, “Wanwanna nian, I ya emwi hia khian ọgbọn.” Ọ keghi vbe tama mwẹ wẹẹ, “Gbẹnnẹ emwi na ye otọ rhunmwuda ẹmwata ọre avbe emwi na khin, a sẹtin yae yi ẹro.”