Daniẹl 11:19 - Edo Bible (E Baibol Ẹdo) Version 1996

¹⁹ Nene ọba ne a kha na gha werriegbe gha rrie ehe ne a gbe odin ga ọghe ẹvbo irẹn sokpan, a gha khọn miẹn ẹre otọ. ọghe irẹn ghi vbe fo ye evba.

Daniẹl 11:19 ပူးပေါင်းရင်းမြစ်များ

Job 20:8

Te a ra ho ẹre bẹkun vbe imina zẹ vbe umian ne a miẹn vbe asọn. A i ghi dọlegbe miẹn ọẹn ọvbehe.

Job 34:24

Ẹ i vbe gualọ ọmwa ne ọ gha gualotọ emwi nẹ, ọ ke rhie ọkaolotu hin rre, ne ọ rhie ọvbehe ye ihe ẹre.

Psalm 27:2

Ugbẹn vbe iran ne emwa dan, dekun mwẹ, iran keghi dele.

Psalm 37:35

I rẹn ọmwa dan ọkpa ne akuobisi yi, ọ kevbe hin yan emwa hia zẹvbe isida e Lebanọn.

Psalm 37:36

Sokpan, I ghi la evba gberra vbe okiekie, ẹi ghi rre evba ọvbehe I gualọ ẹe, sokpan, I ma miẹn ọẹn.

Aizaia 24:20

Agbọn tobọ ẹre ghi gha ya owẹ fi otọ dọn, zẹ vbe Ọdayọn. Ọ ghi gha han yo han rre zẹ vbene irhu ne a gbae ru vbe okpẹhoho a gha hoho. Ihe orukhọ agbọn yẹnyẹn ọẹn mu otọ nẹ, ọ gha de guo, ẹ i ghi vbe kpaegbe ọvbehe.

Jerimaia 46:6

Iran ni sẹtin rhulẹ i ra lẹ fe, avbe ivbiyokuo i ra sẹtin lẹ fe, vbe odẹ okuọ vbe ọkpẹn Yufretes, iran rrua owẹ, iran keghi dele.

Ezikiẹl 26:21

I gha ya uwẹ ru igiemwi ne ọ mu ohan, evba ọ re ọwuẹ ra fo yi. Emwa sẹtin gha gualọ ọ sokpan, a i ghi ra miẹn ọn ọvbehe.” E Nọyaẹnmwa ne Udazi tae nẹ.

Daniẹl 11:7

“Vbe ọ ma he kpẹe, vbe iyeke ọnii, ọkpa vbe uwu avbe etẹn okhuo na nikpia, gha rriọba ọ gha mu okuo gie ivbiyokuo e Siria ọ ghi la otọe iran, ọ ghi khọn miẹn iran otọ.