Daniẹl 11:17 - Edo Bible (E Baibol Ẹdo) Version 1996

¹⁷ “Ọba e Siria gha mu egbe okhian okuo urria, ọ ghi wa viọ ivbiyokuo ẹre hia mwẹ obọ. Debare, ọ gha ghi gha ho ne ọ fuẹn otọe arriọba oghian rẹn, ọ ghi kpe iku gie ẹe, ọ ghi rhie ovbi ẹre nokhuo ne ẹẹn rhie rọnmwẹ, sokpan, emwi ne ọ mwamwaẹn vbe ekhọe i ra gba.

Daniẹl 11:17 ပူးပေါင်းရင်းမြစ်များ

II Ọba 12:17

Vbe ẹghẹ nii, e Hazaẹl ne ọba Siria keghi mu okuo gha rrie Gat, ọ na khọn rẹn, ọ na wẹ rẹn ra wa vbe mu okuo la e Jerusalẹm.

II Krọnikol 20:3

Udu ke wa e Jehosiafat, ọ keghi na erhunmwu ghe Nọyaẹnmwa wẹ ne ọ giodẹ ma irẹn emwi ne irẹn gha ru. Ọ keghi wẹ ne emwa hia ni rre ẹvbo nii hia wa gha rrie aguẹ.

Psalm 56:9

Ẹdẹ ne I gha kpe tie ruẹ avbe eghian mwẹ gha lẹ werriegbe mẹ rẹn ọnọna wẹ, mẹ ọ re Osanobua ya ba,

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Ezikiẹl 17:17

Ivbiyokuo ni wegbe ne ọba Igipt mwẹ i ra sẹtin ru iyobọ vbe ẹghẹ ne ivbi e Babilọn gha na do gbe ekẹn, iran ghi vbe tọnnọ uvun lẹga ẹre ne iran miẹn ehe na gbele emwa nibun.

Ezikiẹl 25:2

“Ovbi ọmwa. Ta ku ẹvbo nii ighe Amọn.

Ezikiẹl 4:3

Mu ọkpan ematọn, ne u mu ẹẹn ye ẹkpo uwẹ vbe ẹvbo nii zẹ vbe ekẹn ne a gbe. Mu aro da ẹvbo nii. Te a wa khọn rẹn na, wẹ ọ re ọmwa ne ọ khọn ẹnrẹn. Ọna ghi gha re ama ne uhunmwu ẹvbo Izrẹl.

Ezikiẹl 4:7

“Tọn aro ye okuo ne a mu la Jerusalẹm egbe. Fieghe ekpa ruẹ da ẹvbo nii, ne u vbe guan ẹmwẹ akhasẹ ku ọre.

Daniẹl 11:19

Nene ọba ne a kha na gha werriegbe gha rrie ehe ne a gbe odin ga ọghe ẹvbo irẹn sokpan, a gha khọn miẹn ẹre otọ. ọghe irẹn ghi vbe fo ye evba.

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Habakọk 1:9

“Ivbiyokuo iran ghi gha rhulẹ ye odaro vbe uwu akhọnmiotọ, ọrẹnkhuan. Emwa hia ghi gha guọ vbe iran a gha dee. Oghunmwu ne iran munọ ẹn bun vbe ikpekhaẹ ne otọe.

Matiu 12:30

“Ọmwa ne ẹ i rre otu mwẹ, te ọ gunmwẹ gbinna. Ọmwa ne ẹ i gunmwẹ si emwi koko, te ọ duẹ ọre rua a.

Iyẹn ne ọ Maan Ọghe Luk 11:23

“Ọmwa ne ọ ma yaba mwẹ, te ọ gun mwẹ gbinna, ọmwa ne ọ ma deba mwẹ si koko, te ọ du ẹe ọre kua.

Iyẹn ne ọ Maan Ọghe Luk 9:51

Ẹghẹ ghi bu otọ nẹ ne a gha ya tọn Jesu mu dọlegbe gha rrie ẹrinmwi, rẹn keghi wa mu egbe ẹre, ọ na mu uhunmwu da Jerusalẹm.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?