Daniẹl 11:15 - Edo Bible (E Baibol Ẹdo) Version 1996

¹⁵ Ẹghẹ nii, ọba e Siria gha mu okuo yo ẹvbo ne a gbe odin ga, ọ ghi khọn iran. Ivbiyokuo Igipt i ra wa gha gbinna khian, orhiọn i ra vbe gha rre iran ne a wẹ ọ maa sẹ vbe uwu iran re.

Daniẹl 11:15 ပူးပေါင်းရင်းမြစ်များ

Jerimaia 33:4

Mẹ ne Nọyaẹnmwa ne Osanobua Izrẹl tae wẹ avbe owa e Jerusalẹm kevbe ẹguae ọba e Juda, gha khian ne a siẹẹn sotọ rhunmwuda okuo ne ọ ghae ga ẹre kevbe igbinna na.

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Jerimaia 52:4

Ẹre Nebukiadneza na rhunmwuda ọnii viọ avbe ivbiyokuo ẹre hia rre, ọ na dekun e Jerusalẹm vbe ikpẹdẹ ne ogigbe ọghe uki nogigbe ọghe ukpo nogihinrin ne Zedekaia yae vbe ọba. Iran keghi bu agọ ye vbe a ma he la ẹvbo nii, iran ke ghi, ghae ga ẹvbo nii.

Jerimaia 6:6

E Nọyaẹnmwa ne Oghodua tama avbe ọba nẹ wẹ ne iran gia erhan gbotọ, ne iran ma utete, ne iran miẹn ehe na khọn la Jerusalẹm. Rẹn kha ne wẹẹ, “I gha rria okpẹvbo nii ikhi rhunmwuda a wọ emwa uhunmwu wa rrọọ.

Ezikiẹl 17:17

Ivbiyokuo ni wegbe ne ọba Igipt mwẹ i ra sẹtin ru iyobọ vbe ẹghẹ ne ivbi e Babilọn gha na do gbe ekẹn, iran ghi vbe tọnnọ uvun lẹga ẹre ne iran miẹn ehe na gbele emwa nibun.

Ezikiẹl 4:2

Ne a ya rhie ma wẹ, a khọn okuo vbọ, tọnnọ uvun lelẹe, kevbe ekẹn ne a tọẹn, kevbe agọ, okọ ne ọ gbe okọ ne ihua ẹre, ne ehia lẹga ẹre.

Daniẹl 11:14

Ọ ghẹghi sẹ ẹghẹ nii, emwa nibun gha sọtẹ ọba Igipt. Emwa ọkhọ eso vbe ẹvbo uwẹ, ne Daniẹl gha sọtẹ rhunmwuda umian ne iran miẹn sokpan, obọ ruẹ gha ke okhunmwu ne ọghe iran.

Daniẹl 11:6

Ukpo eso ghẹ ghi gberra nẹ, ọba Igipt gha gu ọba e Siria rhie obọ ye ebe, ọ ghi vbe rhie ovbi ẹre ne okhuo ne ẹẹn rhie rọnmwẹ, sokpan, a gba re ọkpa na i ra tọ vbe otọ, rẹn ighe okhuo na, ọdọ ẹre, ovbi ẹre, kevbe avbe eguọmwadia ni lele ẹe gha khian, a gha gbele ehia a.

Daniẹl 8:7

I kegha ghe ẹre vbe ọ dekun ogho nii. Ohu mu ẹẹn sẹrriọ wẹ ọ na hẹrhu ẹe, ọ na kpannọ ẹre igho eveva. Orhiọn ma gha rre ogho ni re ne ọ gha ya khẹ ọre. A keghi mu ẹẹn gbotọ, ọ na ye owẹ rrilo ẹe mu otọ, a ma vbe miẹn ọmwa rhọkpa ne ọ sẹtin miẹn rẹn fan.

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.