Daniẹl 11:11 - Edo Bible (E Baibol Ẹdo) Version 1996

¹¹ Ohu ghẹghi mu ẹẹn, ọba Igipt ghi mu okuo gie ọba e Siria, ọ ghi khọn munọ avbe ivbiyokuo ẹre ne ọrhẹnrhẹn nii.

Daniẹl 11:11 ပူးပေါင်းရင်းမြစ်များ

I Ọba 20:13

Vbe uwu ẹghẹ ne a kha na, akhasẹ ọkpa na ya tama Ehab ne ọba wẹẹ, “E Nọyaẹnmwa khare wẹẹ, ‘Ghẹ gie ohan ivbi iyokuo ni bun na mu ẹẹn! I gha rhie ruẹ obọ yan iran uhunmwu ẹrẹna, u ghi rẹn wẹ mẹ ọrọre Nọyaẹnmwa!’ ”

I Ọba 20:28

Akhasẹ ọkpa keghi bu Ehab ne ọba gha khian, ọ tama rẹn wẹẹ, “Vbenian ọ re Nọyaẹnmwa khare: Rhunmwuda ne ivbi e Siria na kha wẹ, Osanobua uhunmwu oke ọre imẹ khin ighẹ me ẹ i re Osanobua otọ kẹkan, I gha rhie ẹtin ne uẹn ya khọnmiotọ vbe uhunmwu ivbi iyokuo ẹre ne ọrhiẹnrhiẹn biẹnrhẹn, ẹghẹ nii, wẹ kevbe emwa ruẹn gha rẹn ighẹ mẹ ọrọre Nọyaẹnmwa!”

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Jerimaia 27:6

Mẹ ọrọre ọmwa ne ọ viọ avbe uhunmwu ẹvbo na hia ye ototọ ẹtin ọguọmwadia mwẹ ighẹ Nebukiadneza ne ọba e Babilọn, uhin ya sẹ egbe aranmwẹ oha, te I wẹ ne iran gha gae.

Daniẹl 11:12

Rẹn gha ye akhọnmiotọ ẹre kevbe ubunmwẹ avbe ivbiyokuo ne ọ gbele rhuọ. Sokpan, ẹ i ra wa gha khọnmiotọ khian rhinrin.

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Daniẹl 11:44

Ẹghẹ ni, iyẹn ne ọ ke odẹ ahọ kevbe ekẹn rre, gha ye afianma fian ẹẹn, ọ ghi wa ye ọkpankpan gha gbinna, ọ ghi gbele emwa nibun.

Daniẹl 11:5

“Ọba Igipt gha wegbe, sokpan ọkpa vbe uwu avbe ọkaokuo ẹre gha wegbe sẹ irẹn, ọ ghi vbe gha khaemwisẹ yan arriọba ne ọ kpọlọ sẹẹ.

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Daniẹl 8:7

I kegha ghe ẹre vbe ọ dekun ogho nii. Ohu mu ẹẹn sẹrriọ wẹ ọ na hẹrhu ẹe, ọ na kpannọ ẹre igho eveva. Orhiọn ma gha rre ogho ni re ne ọ gha ya khẹ ọre. A keghi mu ẹẹn gbotọ, ọ na ye owẹ rrilo ẹe mu otọ, a ma vbe miẹn ọmwa rhọkpa ne ọ sẹtin miẹn rẹn fan.