Daniẹl 10:8 - Edo Bible (E Baibol Ẹdo) Version 1996

⁸ Mẹ ọkpa ọ re ọ ghi rre evba, I na gha ghe umian ọyunnuan na. Orhiọn ma ghi gha rrọ mwẹ re, aro mwẹ keghi fiwerriẹ sẹrriọ vbe uhunmwu wẹ, ọmwa ọkpa ne ọ gha ye rẹn mwẹ ighi rrọ.

Daniẹl 10:8 ပူးပေါင်းရင်းမြစ်များ

Gẹnẹsis 32:31

Ovẹn keghi yan rre vba e Jekọb vbe ọ wa kpao vbe Peniẹl rre, ọ na ghi gha sukpẹ owẹ rhunmwuda ẹkun ẹnrẹn.

Ẹksọdọs 3:3

Rẹn keghi kha wẹẹ, “I gha sikẹ ọre ne I ya ghe ogiemwi na. Vbọzẹ ne oha nii ma na giẹn, I gha sikẹ ọre ne I ghe ere.”

Daniẹl 10:16

Ẹre odibosa ne ọ yevbe ọmwa, na nien obọ ẹre, ọ keghi ya kan mwẹ akhuarhamwunu, mẹ keghi tama rẹn wẹẹ, “Umian na wa wọọ mwẹ egbe sẹrriọ wẹ I i ghi sẹtin dobọ uguọmwẹ yi.

Daniẹl 10:17

Te I yevbe ọviẹn ne ọ mudia ye odaro arowa ẹre. Vbe I a ghi ra sẹtin guẹ guan hẹ? Ẹtin i ghi rrọ mwẹ re, orhiọn ighi rrọ mwẹ re.”

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Daniẹl 8:27

Egbe hia keghi guọghọ mwẹ yotọ, I na ya ikpẹdẹ ihinrọn khuọnmwi. Ẹre I na kpaegbe, I na gha rrie ehe ne iwinna ne ọba mu mẹ ye. Sokpan, umian nii sunsun yọmwẹ aro, I ma vbe rẹn emwi ne a yae kha.

Daniẹl 8:7

I kegha ghe ẹre vbe ọ dekun ogho nii. Ohu mu ẹẹn sẹrriọ wẹ ọ na hẹrhu ẹe, ọ na kpannọ ẹre igho eveva. Orhiọn ma gha rre ogho ni re ne ọ gha ya khẹ ọre. A keghi mu ẹẹn gbotọ, ọ na ye owẹ rrilo ẹe mu otọ, a ma vbe miẹn ọmwa rhọkpa ne ọ sẹtin miẹn rẹn fan.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Matiu 17:6

Ugbẹn vbe avbe erhuanegbe họn urhu na, iran keghi runran, iran dele viọ aro rhu otọ.

Iyẹn ne ọ Maan Ọghe Mak 9:6

Ke irẹn kevbe nekpa wa runran sẹrriọ ne ọ na ma ghi rẹn ẹmwẹ ne ọ gha guan.

Iyẹn ne ọ Maan Ọghe Jọn 16:32

Ẹghẹ dee, ọ wa vbe sẹ otọ nẹ ne a gha na zagha uwa hia kua, edọmwadẹ ọghọe ghi gha rrie owa ẹre, wa ghi sẹ mwẹ rae ọ ghi do kẹ mẹ ọkpa kẹkan. Sokpan ẹ i khian gha re imẹ ọkpa rhunmwuda, Evbavba gha mudia ke mwẹ.

II Kọrinti 12:7

Sokpan, ne ọ miẹn ehe na kie mwẹ ukpẹ ọre, ne emwi ọyunnuan ne aro mwẹ sẹe na i ghẹ ya mwẹ gha tọn ifuẹn mu, ọ keghi rhie emianmwẹ ne ọ wegbe mẹ, ne ọ gha ye vbe ukọ setan, ne ọ gha kinmwi mwẹ, nọ da mwẹ obọ uhiomwẹ yi.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.