Daniẹl 10:6 - Edo Bible (E Baibol Ẹdo) Version 1996

⁶ Ikinnegbe ẹre keghi fi wain wain vbe ẹrọnmwọ, aro ẹre keghi ye wainwain zẹ vbe ayan, aro ẹre kegha baa zẹ vbe erhẹn. Obọ ẹre kevbe owẹ ọre kegha fi wainwain zẹ vbe oze ne a kpe, urhu ẹre kegha ye vbe uvannọmwẹ emwa nibun ẹsẹse.

Daniẹl 10:6 ပူးပေါင်းရင်းမြစ်များ

Ẹksọdọs 28:20

Uviẹn ne ogienẹ ghi gha re bẹril, kanelian, kevbe Jaspa. A ghi sikan ena ye uhanhan igoru.

Ihuan Ne Ọ Sọọ Ihuan Hia 5:14

Obọ ẹre mudia ẹse, ọ keghi vbe viọ oroka ne a hẹ ikpẹrọnmwọ yi ye obọ egbe ẹre yevbe akọn eni ne kpẹghẹ, ne a vbe viọ okuta ne wainwain yi.

Ezikiẹl 1:14

Avbe emwi na tobọ iran keghi vbe gha vin ghe aro vin ghe iyeke, vbene okhian na wa vbe kẹ iran vbe ayan.

Ezikiẹl 1:16

Emwi ne khurubu na hia keghi wa khẹ egbe, ọkpọkpa vbọ keghi fi wainwain vbe okuta ighobioye, emwi ne khurubu ọvbehe keghi vbe dekọ ọkpọkpa vbe ugbugbe.

Ezikiẹl 1:24

I keghi họn ulamwẹ ifuẹn iran vbe iran a gha tin khian, ọ yevbe uwemwẹ okun, zẹ vbe owogho ivbiyokuo nibun, vbe urhu Osanobua ne Oghodua. Iran gha dobọ utinmwẹ yi, iran ghi gba ifuẹn iran ginna egbe.

Ezikiẹl 1:7

Owẹ iran keghi ye kpasi, iran keghi mwẹ ihiẹn owẹ ne ọ yevbe ọghe ẹkhuia ẹmila. Iran keghi vbe yan kpoo vbe oze ne a kpee.

Ezikiẹl 10:9

I kevbe miẹn wẹ emwi ne khurubu enẹ Ọ re ọ mwẹ, ehia wa vbe khọ egbe, ọkpọkpa vbe ọkpẹn aranmwẹ ni ọkpọkpa. Avbe emwi ne khurubu nii kegha fi wainwain zẹ vbe okuta ẹrọnmwọ, emwi ne khurubu ọvbehe kevbe yakọ ọkpọkpa vbọ ugbugbe.

Ezikiẹl 40:3

Ọ si mwẹ sikẹ ọre, I keghi ya bẹghe ọmwa ne ọ fi wainwain vbe ẹrọnmwọ, ọ keghi rhie emwi ne a ya mwa emwi ne a ya eto ovbiohuẹ ru mwẹ obọ, kẹe kevbe ọkpọ ne a ya mwa emwi, ọ keghi mudia ye ọkpẹn onurho ẹvbo.

Ezikiẹl 8:2

I keghi tọn aro mu I na ya bẹghe ama erhẹn okpa ne akpa ẹre yevbe ọmwa nagbọn. Ke ẹkun gha rrie otọ, egbe ẹre keghi yevbe erhẹn, vbe ke ẹkun gha rrie odukhunmwu, ọ keghi fi wainwain zẹ vbe ẹrọnmwọ ne a kpee.

Matiu 17:2

Ọ keghi sirra iran fi egbe werriẹ, aro ẹre kegha fi wain wain vbe owẹn, ukpọn rẹn keghi fuọfua vbe ukpa.

Matiu 28:3

A gha ghe ẹre, ọ yevbe ayan, ukpọn rẹn keghi fua vbe isonorhọ.

Iyẹn ne ọ Maan Ọghe Luk 9:29

Zẹ vbene ọ wa na erhunmwu ni, ugbaro ẹre keghi fiwerriẹ, ukpọn rẹn kegha fuọfua nẹ i gie a ghe.

Arhie Maan 10:1

Vbe iyeke ọnii, I keghi bẹghe odibosa nọkhua ọkpa vbe ọ ke ẹrinmwi tuorre dee. Amẹ ne ọ bii ọre ọ ya mu egbe. Ikpin amẹ keghi lẹga ẹre uhunmwu, ugbaro ẹre keghi yevbe owẹn, erhan owẹ ọre nekhua ye vbe orre ọghe erhẹn.

Arhie Maan 19:12

Aro ẹre keghi ye vbe ọgẹn erhẹn, ọ keghi viọ erhu ẹde ni bun rhuẹ ye uhunmwu ẹnrẹn. A keghi gbẹn eni ẹnrẹn yan rẹn, ọmwa ọvbehe ne ọ rẹn emwi ne a ya ẹe kha ẹ i rrọọ gberra irẹn tobọ ẹre.

Arhie Maan 2:18

“Gbẹn ebe gie odibosa esọsi ne ọ rre Tiatira wẹ: “Uhunmwu ne ọ gie rre ọre ọ na khin ighẹ Ovbi Osanobua ne aro ẹre kpannọ kua vbe Ogiọnmwẹ erhẹn, ne owẹ ọre fi wainwain, zẹ vbe ẹrọnmwọ ne a kpee.

Arhie Maan 21:20

Ne ogisẹn kegha re ọinks, ne ogiehan kanelian, ne ogihinrọn kuọtz ne ọ vboro, ne ogierẹnrẹn bẹril, ne ogihinrin topaz, ne ogigbe kiasdọni, ne ogiowọrọ kuọis, ne ogiweva amẹtisrt.