Daniẹl 10:20 - Edo Bible (E Baibol Ẹdo) Version 1996

^20-21 Rẹn keghi tama mwẹ wẹẹ, “U rẹn emwi ne ọ zẹe ne I na bu ruẹ gha dee ra? Te I rre do ma ruẹn emwi ne a gbẹnnẹ ye Ebe Ẹmwata. Banbanna nian, I gha werriegbe gha khian ne I ya gu odibosa ne ọ su Pẹsia gbinna. Vbe iyeke ọnii, odibosa ne ọ su e Gris gha rre. Ọmwa ọvbehe i rrọ ne ọ gha yọmwẹ obọ gberra e Maikẹl ne odibosa ne ọ su Izrẹl.

Daniẹl 10:20 ပူးပေါင်းရင်းမြစ်များ

Ẹzra 4:4

Ẹre emwa nii ka rre otọe ni dee na suẹn gha ye egbe wọ avbe Ju, iran kegha ye ohan mu iran, iran na gha da iran obọ owa nii ne a bọ yi.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Daniẹl 10:13

Odibosa ne ovbi ọba ne ọ re ọghe otọe arriọba e Pẹsia keghi mu aro igbinna da mwẹ la ikpẹdẹ ọkpa yan ugie, ẹre Maikẹl, ọkpa vbe uwu avbe ọka odibosa na gha dee do yọmwẹ obọ rhunmwuda mẹ ọkpa ọ re a ghi sẹrae ye Pẹsia vbe evba.

Daniẹl 7:6

Vbene I wa ye ghe ẹre nii, aranmwẹ ọvbehe keghi vbe ladian ọ yevbe ubidọn, sokpan ifuẹn enẹ ni yevbe ọghe ahianmwẹ kegha rre ọre ẹkpiyeke, ọ keghi vbe mwẹ uhunmwu enẹ. Aro ẹre vbe uhunmwu keghi yevbe ọghe ọmwa ne ọ mobọ mwẹ asẹ ẹsẹse.

Daniẹl 8:21

Ẹwe ne ọ rrọ mudia ye ihe arriọba e Gris, igho ne bọzi ne ọ rre ẹkpo aro ẹre eveva keghi mudia ye ihe ọba ne okaro vbọ.

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.