Daniẹl 10:16 - Edo Bible (E Baibol Ẹdo) Version 1996

¹⁶ Ẹre odibosa ne ọ yevbe ọmwa, na nien obọ ẹre, ọ keghi ya kan mwẹ akhuarhamwunu, mẹ keghi tama rẹn wẹẹ, “Umian na wa wọọ mwẹ egbe sẹrriọ wẹ I i ghi sẹtin dobọ uguọmwẹ yi.

Daniẹl 10:16 ပူးပေါင်းရင်းမြစ်များ

Ẹksọdọs 4:10

Sokpan, e Mosis keghi tama Nọyaẹnmwa wẹẹ, “Lahọ ghẹ gie mwẹ, Nọyaẹnmwa, mẹ ma he guara guan vbe ẹbu ẹdẹ, kevbe ne u vbe ya suẹn gha gu mwẹ guan gha dee, I ma he vbe ye guẹ, Nọyaẹnmwa. I i gua ra guan, te I ta ẹe lọkọlọkọ, I ghi vbe gha ba ẹmwẹ.”

Ẹksọdọs 4:13

Sokpan e Mosis keghi kha wẹẹ, “Lahọ, ghẹ gui Nọyaẹnmwa, gie ọmwa ọvbehe ne ọ khọn ruẹn.”

Asan-Ibo 1:18

Vbene u ya mwẹ ẹwaẹn, erriọ ọ re u vbe ya kpokpo orhiọn ruẹn, vbe ne u ya rẹn, erriọ ọ re ọ vbe ya balọ ọmwa.

Aizaia 6:7

Ọ keghi ya ogiọnmwẹ erhẹn ẹyin nii kaan mwẹ akhuarhamwunu, ọ wẹẹ, “Ọnọna dekan ruẹn akhuarhamwunu nẹ, rhunmwuda ọnii, irriabe ruẹ fo nẹ, a vbe ya orukhọ ruẹ bọ ọ.”

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Ezikiẹl 1:26

Ẹkete ne ọ yevbe ne a ye okuta ighobioye safaia ru kegha rre odukhunmwu emwi ne ọ yevbe ekharha ne a fi nii, emwi okpa ne ọ yevbe ọmwa nagbọn keghi tota yan ẹkete nii.

Ezikiẹl 3:27

Iyekọnii, I gha ghi dọlegbe guẹ guan, I na dọlegbe rhie ẹtin ne a ya guan nuẹn, u gha tama iran vbe ne imẹ ne Nọyaẹnmwa ne Udazi khare. Eso vbe uwu iran gha danmwehọ, sokpan eso vbe uwu iran i ra zẹ ye uẹ re rhunmwuda, ẹvbo etẹ ọ re iran khin.”

Ezikiẹl 33:22

Vbe ota ẹdẹ ne ọ ra rre nii, I keghi wa gha họn ẹmwẹ ọnrẹn vbe egbe ẹsẹse wẹ e Nọyaẹnmwa rre ehe ne I ye. Ọmwa ni ghi rre vbe owiẹ ne ọ lelẹe, e Nọyaẹnmwa keghi ru ẹe ne I sẹtin dọlegbe gha guan.

Daniẹl 12:8

I họọn ẹmwẹ ne ọ tae sokpan I ma rẹn emwi ne a yae kha. Rhunmwuda ọnii, I keghi nọ rẹn wẹẹ, “Sokpan, vbe ena hia ra ya sẹ ufomwẹ hẹ, enọwanrẹn?”

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 7:15

Ohan umian ne I miẹn keghi wa mu mwẹ, ọ keghi vbe mu mwẹ orhiọn rueghe ẹsẹse.

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Daniẹl 8:15

Ehe ne I na hia ne I rẹn emwi ne a ya umian na kha, I ghi ghe ọmwa ọkpa wa mudia yọmwẹ odaro vbe udomwurri.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Daniẹl 8:18

Ugbẹn vbe ọ ghi guan, I keghi de gbotọ vbe ne I ma na ghi rẹn emwi ne a ru vbe agbọn, sokpan, rẹn keghi mu mwẹ, ọ keghi mu mwẹ mudia.

Daniẹl 8:27

Egbe hia keghi guọghọ mwẹ yotọ, I na ya ikpẹdẹ ihinrọn khuọnmwi. Ẹre I na kpaegbe, I na gha rrie ehe ne iwinna ne ọba mu mẹ ye. Sokpan, umian nii sunsun yọmwẹ aro, I ma vbe rẹn emwi ne a yae kha.

Daniẹl 9:21

Ugbẹn vbe I ghi wa na erhunmwu nii, e Gebriẹl ne I miẹn vbe umian ne I ka miẹn keghi tin gha die ehe ne I ye. Ẹghẹ ne a ya zọ ese ota nọ.

Iyẹn ne ọ Maan Ọghe Luk 1:64

Vbe ọwarọkpa ni Zẹkaraia keghi suẹ dọlegbe gha guan, ọ kegha rho Osanobua vbe uyi.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iyẹn ne ọ Maan Ọghe Jọn 20:28

Tọmọs wanniẹn tama rẹn wẹẹ, “Nọyaẹnmwẹ kevbe Osanobua mwẹ!”

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

Arhie Maan 1:13

Emwi ọkpa ne ọ ye vbe ọmwa keghi mudia ye adesẹneva iran, ọ keghi yọ agbada ẹwu ne ọ wa sẹ ọre otọ, ọ keghi vbe mwẹ egba igoru ne ọ wa lẹga re ẹwẹe.

Giọgis 13:8

Ẹre Manoa na na erhunmwu ghe Nọyaẹnmwa wẹẹ, “Nọyaẹnmwa lahọ, gie ọmwa Osanobua ne u gie rre dọlegbe gha dee ne ọ do tama mwa vbene a gha ru ọmọ nii hẹ vbe a gha biẹ ọe.”

Giọgis 6:13

E Gidiọn keghi kha wẹẹ, “Enọwanrẹn, gun mwẹ nọ ọta wẹ, adeghẹ e Nọyaẹnmwa gele rrọọ yaba ima, vbọzẹ ne ena hia ghi na rruan ima? Iwinna ọyunnuan hia ne avbe erha ima tama ima wẹ e Nọyaẹnmwa te ru, vbene ọ ya viọ iran ke otọ Igipt ladian hẹ, vbe irẹn a ghi ye? E Nọyaẹnmwa yangbe ima nẹ, ọ na sẹ ima rae ne ivbi e Midian gha ru ima emwi ne ọ rhirhi khọn iran.”

Giọgis 6:15

E Gidiọn keghi wanniẹn wẹẹ, “Sokpan, e Nọyaẹnmwa, vbe imẹ a gha ya sẹtin miẹn Izrẹl fan hẹ? Ewae mwẹ ọrọre ne ọ ma wegbe sẹ vbe uwu ẹwae Manasẹ, mẹ ọ re ọ vbe re ne ẹ i mwẹ esa ne ọ ye vbe uwu ẹgbẹe mwẹ.”