Daniẹl 10:1 - Edo Bible (E Baibol Ẹdo) Version 1996

¹ Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.

Daniẹl 10:1 ပူးပေါင်းရင်းမြစ်များ

Gẹnẹsis 41:32

Ne a na miẹn wẹ igbaeva ọre u minaẹn, ọba, rhiema wẹ Osanobua mwamwa ẹn nẹ kevbe wẹ, ọ gha giẹe sunu vbe ọ ma he kpẹe wan.

II Krọnikol 36:22

Vbe ukpo ne okaro ne Sairọs khian ọgbaisi e Pẹsia, e Nọyaẹnmwa keghi ruẹe ne ẹmwẹ ne ọ la unu e Jerimaia ne akhasẹ ta, do sẹ. Ọ keghi rhie ye Sairọs ekhọe ne ọ ta ẹmwẹ na ladian, ne ọ gbẹnnẹ ọẹn ye ebe ne a vbe tie ẹre ladian vbe ehe ne otọ arriọba ẹre sẹe ehe ne ọ rhanmwẹ wẹẹ:

Ẹzra 3:7

Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Ẹzra 4:3

Ẹre Zerubabẹl, e Jọsua kevbe avbe ọkaẹgbẹe na tama iran wẹẹ, “Ma i mwẹ emwi na a ya iyobọ uwa ru vbe Ọgua Osa ne ima bọ ne Nọyaẹnmwa ne Osanobua ima, ma gha tobọ ima bọe zẹ vbene Sairọs ne ọgbaisi e Pẹsia tama ima.”

Ẹzra 4:5

Iran kevbe viọ igho odieke gie avbe emwa e Pẹsia ni rre asẹ vbe oga ọba ne iran mu idobo yọ. Erriọ iran wa gha ru ẹe la ẹghẹ ne Sairọs ne Ọgbaisi ya ẹe vbe ẹkete ya sẹ ẹghẹ e Dariọs ne ọgbaisi.

Ẹzra 6:14

Obọ keghi kẹ avbe ọkaolotu avbe Ju vbe nene Ọgua Osa ne a bọ vbene Hegai kevbe Zẹkaraia ne akhasẹ na gha rhie igiẹdu ne iran. Iran keghi bọ nene Ọgua Osa fo zẹ vbene Osanobua ọghe Izrẹl kevbe Sairọs, Dariọs, kevbe Atakzaziz ne avbe ọgbaisi e Pẹsia tama iran.

Ẹzra 6:3

“Vbe ukpo ne okaro ne ọ la ẹkete, e Sairọs ne ọgbaisi keghi wẹ ne a dọlọ Ọgua Osa ne ọ rre Jerusalẹm bọ zẹ vbe ne ehe ne a na zọ ese kevbe ehe ne a na giẹn emwi imu ohan. Ọgua Osa ni ghi gha re ibata ekigbesiyisẹn vbe uyomwẹ kevbe ibata ekigbesiyisẹn vbe uvbẹmwẹ.

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Daniẹl 1:21

E Daniẹl keghi wa gha rre uwu ẹguae ọba ọ te do sẹ ẹghẹ ne Sairọs ne ọba e Pẹsia na khọn e Babilọn.

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 10:14

Te I rre do rhie ma ruẹn emwi ne ọ gha sunu vbe egbe emwa ruẹn ẹdẹnakhuẹ. Umian ọghe ẹdẹnakhuẹ ọ re ọna khin.”

Daniẹl 11:2

Ẹmwẹ ne I ra tama ruẹn na, ẹmwata nọ.” Odibosa nii keghi kha wẹẹ, “Ọba eha gha khaemwisẹ lele egbe vbe Pẹsia, ne ogienẹ gha vbe lele iran, rẹn na gha wa fe sẹẹ iran nekpa hia. Ẹghẹ ne ẹtin ẹnrẹn gha na wa kpọlọ sẹẹ, kene ẹfe ẹre gha na vbe bu sẹẹ, ogha si arriọba e Gris evẹn.

Daniẹl 12:4

Ọ keghi tama mwẹ wẹẹ, “Banbanna, e Daniẹl, gue ebe nii ne u gbae rhie hin rre ọ te ya sẹ ufomwẹ agbọn. Vbe uwu ẹghẹ na nian, emwa nibun gha wa mu ẹghẹ iran rhia, iran ghi gha hia ne iran rẹn otọ emwi ni sunu khian.”

Daniẹl 12:9

Rẹn keghi wanniẹn wẹẹ, “E Daniẹl te u gha do rrie, rhunmwuda, avbe ẹmwẹ na, a ma ho ne ọmwarhọkpa rẹn ẹmwẹ na, a ma ho ne ọmwarhọkpa rẹn ọnrẹn, te a vbe rhie ẹre lẹre ufomwẹ te do rre.

Daniẹl 2:21

Rẹn ọ re ọ kha yan ẹghẹ kevbe ukpo; rẹn ọ re ọ ma ọba, rẹn ọ vbe ya iran owẹ yotọ, rẹn ọ re ọ rhie ẹwaẹn kevbe irẹnmwi ne ọmwa.

Daniẹl 4:8

Ẹghẹ nii ọ re Daniẹl ghi na rre. (Rẹn ọ re a vbe tie ẹre Bẹtẹsiaza zẹ vbe eni ne a he ẹre re gie ẹbọ mwẹ.) Orhiọn avbe ẹbọ nihuanrẹn rre uwu irẹn. I keghi ta imina ne I minaẹn ma rẹn wẹẹ:

Daniẹl 5:12

Ẹtin ughaẹn ọ re ọ wa gue ẹe, ẹwaẹn gba ne ẹẹn, ẹmwẹ imina ne a rhan otọ ẹre ẹmwẹ ibo ne a san, kevbe ẹmwẹ emwi ọkpaodin ne a rhan otọ ẹre. Rhunmwuda ọnii nian, gie ne a tie okpia na ne erha a he ẹre Bẹtẹsiaza, o gha tama ruẹn emwi ne a ya ena hia kha.”

Daniẹl 5:17

E Daniẹl keghi wanniẹn wẹẹ, “Viọ emwi ihaoko ruẹ ye owa, ra ya ẹe ne ọmwa ne ọ khọn ruẹn ọvbehe. I gha tie emwi ne a gbẹnnẹ na ma ruẹn Umogun, I ghi vbe ta emwi ne a ya ẹe kha ma ruẹn.

Daniẹl 6:28

Agbọn keghi wa maa e Daniẹl vbe ẹghẹ ọba Dariọs kevbe ẹghẹ ọba e Sairọs ne ovbi e Pẹsia.

Daniẹl 8:16

I keghi vbe họn urhu kevbe obọ nọkpa Ẹzẹ Ulai rre wẹẹ, “Gebriẹl, rhan otọ emwi ne a ya emwi ne ọ miẹn ma rẹn.”

Daniẹl 8:26

Avbe umian ne ọ dekan ẹmwẹ ese ota vbe owiẹ, ne a vbe rhaan otọ ẹre ma ruẹn nẹ, ọ gha sunu. Sokpan he gie ẹe gha rre ẹko ruẹ ọkpa rhunmwuda ọ gha kpee ẹsẹse ọ ke do sunu.”

Iyẹn ne ọ Maan Ọghe Luk 1:20

Sokpan, wẹ ma ya ẹmwẹ ne I do tama ruẹn yi, ẹmwẹ ne ọ gha sẹ vbe ẹghẹ a sẹ. Rhunmwuda ne u ma na yayi na, u gha khian odin. Te u ra ye kitikpọ, rhinrin ya sẹ ẹdẹ ne eyan ne I yan ma ruẹn na gha sẹ.”

Arhie Maan 19:9

Odibosa nii keghi tama mwẹ wẹ, “Gbẹn ọnọna ye otọ: I ma kan iran ne a tie re ne ọ gha die eghọ ọghe irhiọha Oteghe Ohuan nii.” Odibosa nii keghi vbe rhie te ẹe wẹẹ, “Ẹmwata nọ, ke unu Osanobua tobọ ẹre rre ọre ọ na khin.”