Daniẹl 1:7 - Edo Bible (E Baibol Ẹdo) Version 1996

⁷ Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 1:7 ပူးပေါင်းရင်းမြစ်များ

Gẹnẹsis 41:45

Ọ keghi he Josẹf eni gha tiẹre Zafenat-Pania. Ọ keghi rhie okhuo ne a tiẹre Asẹnat nẹẹn, ovbi e Pọtifera ne ohẹn ẹvbo ne a tiẹre Helio-polis.

II Ọba 23:34

E Nẹko ne ọba ma Eliaikim ne ovbi e Josaia ọba e Juda, ne ọ rriọba lele Josaia, ọ na fi ẹre eni werriẹ gha tie ẹre Jehoiakim. E Nẹko ne ọba keghi mu Joahaz gha rrie Igipt, evba ọre ọ ghi na wu.

II Ọba 24:17

E Nebukiadneza keghi ye Matanaia ne ọtẹn erha Jehoiakin ne okpia ma ọba e Juda, ọ na fi ẹre eni werriẹ ghe Zedekaia.

Daniẹl 1:19

Ọba keghi gu iran hia fẹẹrẹ guan. Emwi ne Daniẹl, Hananaia, e Misiaẹl kevbe Azaraia ru keghi vuọn ọba aro sẹ ọghe nekpa hia fẹẹrẹ. A keghi rhunmwuda ọnii viọ iran la ẹguae ọba.

Daniẹl 1:3

Ọba keghi tama Aspenaz ne ọ ka ighele ẹre ne ọ hannọ igbama eso viọ yotọ vbe avbe igbama Izrẹl ni rre iwe, avbe ivbi ọba kevbe avbe ivbi ekhaẹmwẹ.

Daniẹl 10:1

Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.

Daniẹl 2:26

Ọba keghi tama e Daniẹl (rẹn ọ re a vbe tie ẹre Bẹtẹsiaza) wẹẹ, “U gha sẹtin tama mwẹ imina ne I minaẹn kevbe emwi ne a yae kha ra?”

Daniẹl 2:49

Zẹ vbene Daniẹl nọ rẹn, ọba keghi mu e Babilọn ne Siedrak Mesiak kevbe Abẹdnigo gha gbearoghe. Sokpan e Daniẹl kegha rre ẹguae Ọba.

Daniẹl 4:5

Sokpan, mẹ keghi mina imina ne ọ mu ohan, I keghi vbe miẹn umian ni kpan ọmwa udu vbe I vbiẹ.

Daniẹl 4:8

Ẹghẹ nii ọ re Daniẹl ghi na rre. (Rẹn ọ re a vbe tie ẹre Bẹtẹsiaza zẹ vbe eni ne a he ẹre re gie ẹbọ mwẹ.) Orhiọn avbe ẹbọ nihuanrẹn rre uwu irẹn. I keghi ta imina ne I minaẹn ma rẹn wẹẹ:

Daniẹl 5:12

Ẹtin ughaẹn ọ re ọ wa gue ẹe, ẹwaẹn gba ne ẹẹn, ẹmwẹ imina ne a rhan otọ ẹre ẹmwẹ ibo ne a san, kevbe ẹmwẹ emwi ọkpaodin ne a rhan otọ ẹre. Rhunmwuda ọnii nian, gie ne a tie okpia na ne erha a he ẹre Bẹtẹsiaza, o gha tama ruẹn emwi ne a ya ena hia kha.”