Daniẹl 1:4 - Edo Bible (E Baibol Ẹdo) Version 1996

⁴ Iran ghi gha re emọ ni mose, ni mwẹ ẹwaẹn, ne a ma ẹre emwi ẹse, ni rherhe rẹn emwi ne a ma iran ẹre, ne ẹ i vbe mwẹ ehe ne emwi na ru ẹre egbe rhọkpa, ne iran miẹn ehe na gha re emwa ni gha winna vbe uwu ẹguae ọba. Aspenaz ghi vbe ma iran vbene a tie kevbe vbe a gbẹn ẹvbo ne emwa e Babilọn zẹ hẹ.

Daniẹl 1:4 ပူးပေါင်းရင်းမြစ်များ

Gẹnẹsis 41:46

Ukpo ọgban ọre Josẹf gha ye vbe ọ suẹn gha winna ne ọba Igipt. Ọ keghi kpao ya khian la otọe nii gaa.

II Samuẹl 14:25

A ma vbe miẹn orhiọnkpa vbe Izrẹl ne a gha ya gie Absalọm vbe ose, wa ke uhunmwu ya sẹ ikpihianwẹ, okan rhọkpa i vbe rrọ ọre egbe.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Aizaia 36:11

Ẹre Eliaikim, e Siebna kevbe Joa na tama avbe ọkaokuo nii wẹẹ, “Zẹ ẹvbo Aram ma ima. Ma wa họn, ghẹ ghi zẹ e Hibru, emwa ni tota lele uhunmwu ekẹn na wa danmwehọ.”

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Daniẹl 2:10

Iran ni gu ẹe zẹ iro keghi tama rẹn wẹẹ, “Orhiọnkpa i rre agbọn na ne ọ gha sẹtin ta emwi ne u ho ne u rẹn na ma ruẹn Umogun. Ọba ọkpa i rrọ ya sẹ egbe ne ọ ghi kpọlọ sẹ kevbe ne ọ ghi mwẹ ẹtin sẹ, ne ọ he nọ egbe ẹmwẹ vberriọ vbe obọ ọbiro ẹre, kevbe ebo edunna kevbe avbe azẹn.

Daniẹl 2:2

Ọ keghi rhunmwuda ọnii gie ne a tie avbe ọbiro, ebo edunna, oso kevbe azẹn ne iran gha de do rhan otọ imina nii ma irẹn. Iran ghi rre do mudia ye odaro ọba.

Daniẹl 3:8

Ẹghẹ na nian, ivbi e Babilọn keghi miẹn ehe la la ivbi e Ju egbe.

Daniẹl 4:7

Ẹre avbe ọbo hia, avbe ebo edunna hia, avbe azẹn kevbe avbe iwe uki, a na viọ ehia bu mwẹ gha dee, I na ta imina mwẹ ma iran; sokpan iran ma sẹtin rhan otọe ẹre.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”

Daniẹl 9:1

E Dariọs ne Medis ne ọ re ovbi e Kzakzis kegha khaemwisẹ vbe Babilọn.

Zẹkaraia 2:4

Ne okaro keghi tama nọkpa wẹẹ, “Rhie ulẹ ya tama ọvbokhan ọkpia ne ọ rhie emwi ne a ya mwa emwi mwẹ obọ nii wẹ emwa kevbe ẹmila gha bun sẹrriọ vbe Jerusalẹm wẹ ọ gha digba gbe ne a gbe ekẹn gaa.

Iwinna 7:20

Uwu ẹghẹ na ọre a na biẹ Mosis, ọ keghi re ọmọ ne ọ mose ẹsẹse. A keghi koko ẹe la uki eha vbe owa.

Iwinna 7:22

A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.

Ẹfisọs 5:27

Ne ọ miẹn ehe na rhie esọsi gi egbe irẹn, ke ẹe kevbe ose ẹre hia, ne ọ huanrẹn kevbe ne ẹ i mwẹ okan, ne emwi ma sa, ne ọ ma bunnọ ikuẹnkuẹn, kevbe ne ẹ i mwẹ ehe ne ọ kẹe yi hiehiere.

Giọgis 8:18

Ẹre Gidiọn na nọ e Zẹba kevbe Zalmuna wẹẹ, “Emwa ne uwa gbele de emwi ne iran khọe?” Iran wanniẹn wẹẹ, “Wẹ ọre iran khọe, dọmwadẹ ọghọe vbe uwu iran wa ye vbe ovbi ọba.”