Daniẹl 1:21 - Edo Bible (E Baibol Ẹdo) Version 1996

²¹ E Daniẹl keghi wa gha rre uwu ẹguae ọba ọ te do sẹ ẹghẹ ne Sairọs ne ọba e Pẹsia na khọn e Babilọn.

Daniẹl 1:21 ပူးပေါင်းရင်းမြစ်များ

Ẹzra 1:1

Vbe ukpo ne okaro ne Sairọs ya gha re ọgbaisi e Pẹsia, e Nọyaẹnmwa keghi ru ẹe ne ẹmwẹ ne ọ la unu e Jerimaia ne akhasẹ ta do sẹ. Ọ keghi rhie ẹre ye Sairọs ekhọe, ne ọ ta ẹmwẹ na ladian, kevbe ne ọ gbẹnnẹ ọẹn ne a vbe tie ẹre ne emwa hia vbe otọe arriọba ẹre hia wẹẹ,

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Daniẹl 10:1

Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.

Daniẹl 6:28

Agbọn keghi wa maa e Daniẹl vbe ẹghẹ ọba Dariọs kevbe ẹghẹ ọba e Sairọs ne ovbi e Pẹsia.