Daniẹl 1:17 - Edo Bible (E Baibol Ẹdo) Version 1996

¹⁷ Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Daniẹl 1:17 ပူးပေါင်းရင်းမြစ်များ

I Ọba 3:12

I gha rhie emwi ne u nọ rẹn ne uẹn. I gha rhie ẹwaẹn kevbe irẹnmwi ne uẹn sẹ emwa hia ni ke aro nuẹn kevbe ni gha vbe rre vbe iyeke ruẹ.

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

II Krọnikol 1:10

Rhunmwuda ọnii, rhie ẹwaẹn kevbe irẹnmwi ne I gha sẹtin ya gha khaemwisẹ yan iran mẹ. A dẹghe ẹ i re vberriọ, vbe i a gha sẹtin ya rriọba emwa ruẹn na ni bun sẹrriọ hẹ?”

II Krọnikol 1:12

I gha rhie ẹwaẹn kevbe irẹnmwi ne uẹn. Ye vbe deba ọnii, I gha rhie ẹfe, emwi ẹwe kevbe usi ne uẹn sẹẹ ne ọbakọba he ka gha mwẹ vbe ẹghẹ ne ọ gberra ra ne iran gha vbe mwẹ vbe ẹdẹ ne ọ dee.”

II Krọnikol 26:5

Ẹghẹ ne Zẹkaraia ne ọ gu ẹe ziro ẹmwẹ ugamwẹ ya ẹe vbe agbọn hia, ọ keghi ya ekhọe ẹmwata ga e Nọyaẹnmwa, Osanobua keghi fiangbe ẹe.

Job 32:8

Sokpan, orhiọn Osanobua ne Udazi ọre ọ bu ọmwa rre ọ ghi rhie ẹwaẹn ne iran.

Itan 2:6

E Nọyaẹnmwa ọ re ọ ya ẹwaẹn ne ọmwa. Obọ ẹre ọ re ẹwaẹn kevbe irẹnmwi ke rre.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Aizaia 28:26

Ọ rẹn vbene ọ ya winna iwinna rẹn hẹ rhunmwuda Osanobua ọ re ọ ma ẹre re.

Ezikiẹl 28:3

U ro wẹ wẹ wan sẹ e Daniẹl, kevbe wẹ emwi oro ọkpa irrọ ne a gha sẹtin rhie lẹre ne uẹn.

Daniẹl 1:18

Ukpo eha ne ọba mwa yọ ghi gba, Aspenaz keghi viọ emọ ni hia bu ọba e Nebukiadneza gha khian.

Daniẹl 1:20

Ẹmwẹkẹmwẹ ne ọba a rhirhi nọ, ra ọlọghọmwa ne ọ rhirhi a gha rrọ, emọ na keghi ya ukhukhu igbe rẹn sẹ avbe ebo edunna kevbe avbe ọbiro ni rre otọe arriọba nii hia.

Daniẹl 1:4

Iran ghi gha re emọ ni mose, ni mwẹ ẹwaẹn, ne a ma ẹre emwi ẹse, ni rherhe rẹn emwi ne a ma iran ẹre, ne ẹ i vbe mwẹ ehe ne emwi na ru ẹre egbe rhọkpa, ne iran miẹn ehe na gha re emwa ni gha winna vbe uwu ẹguae ọba. Aspenaz ghi vbe ma iran vbene a tie kevbe vbe a gbẹn ẹvbo ne emwa e Babilọn zẹ hẹ.

Daniẹl 10:1

Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.

Daniẹl 2:19

Vbe Asọn nii zẹẹ, a keghi ta imina nii ma e Daniẹl vbe aro umian, rẹn keghi rho Osanobua ẹrinmwi:

Daniẹl 2:21

Rẹn ọ re ọ kha yan ẹghẹ kevbe ukpo; rẹn ọ re ọ ma ọba, rẹn ọ vbe ya iran owẹ yotọ, rẹn ọ re ọ rhie ẹwaẹn kevbe irẹnmwi ne ọmwa.

Daniẹl 2:23

I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Daniẹl 2:30

“Wanwanna nian, a rhie emwi oro na ma mwẹ, ẹ i re wẹ rhunmwuda ighe I wan sẹ emwa nekpa, sokpan rhunmwuda ne u miẹn ehe na rẹn emwi ne a ya imina ruẹn kha, Umogun, kevbe ne u rẹn emwi ne a ya iro ne a mu guẹ kha.

Daniẹl 4:6

I keghi gie ne a tie avbe iguọbaziro ni rre Babilọn hia ne iran do rhan otọ imina ne I minaẹn ma mwẹ.

Daniẹl 5:14

I họẹn ighe orhiọn avbe ẹbọ nihuanrẹn guẹ kevbe wẹ u guẹ emwi ẹsẹse, u vbe mwẹ irẹnmwi kevbe ẹwaẹn.

Daniẹl 7:1

Vbe ukpo ne okaro ne Bẹlsiaza rriọba e Babilọn, I minaẹn, I keghi miẹn umian vbe asọn. I gbẹn imina nii yotọ, vbene I miẹn ọẹn.

Daniẹl 8:1

Ọ ghi rre ukpo eha ne Bẹlsiaza rriọba, I keghi vbe miẹn umian ne ogieva.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.

Iwinna 7:10

Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre.

Iwinna 7:22

A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.

Kọlose 1:9

Ọna ọre ọ si ẹe ne a na miẹn wẹ ke ne ima ya họn ẹmwẹ uwa gha dee, ẹghẹ hia ọre ima ya na erhunmwu ne uwa. Ma rinmwian Osanobua ne ọ ya irẹnmwi emwi ne ọ ho vuọn uwa, deba ẹwaẹn kevbe irẹnmwi ne Orhiọn rẹn rhie ne ọmwa.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.