Daniẹl 1:1 - Edo Bible (E Baibol Ẹdo) Version 1996

¹ Ugbẹn vbe ọ ghi rre ukpo eha ne Jehoiakim rriọba vbe Juda, e Nebukiadneza ne ọba e Babilọn keghi mu okuo gha die Jerusalẹm, ọ na ghae ga ẹvbo nii.

Daniẹl 1:1 ပူးပေါင်းရင်းမြစ်များ

II Ọba 23:36

Ukpo isẹnyan ugie ọre Jehoiakim gha ye vbe ọ rriọba e Juda. Ọ keghi gbe ukpo owọrọ vbe ẹkete vbe Jerusalẹm. A kegha tie iye ẹe Zebida ne ovbi e Pedaia ne okhuo, ne ọ ke ẹvbo ne a tie ẹre Ruma rre.

II Ọba 24:13

Ọ na viọ emwi ẹfe hia ni rre Ọgua Osa kevbe ni rre ẹguae, avbe ọkpan igoru ne Solomọn ne ọba ru ne a ya gha ru emwi vbe Ọgua Osa.

Aizaia 39:7

A gha viọ eso vbe uwu avbe ivbi uẹ taara kpao, a gha ya iran khian ọghẹrriẹnoguan, ne iran ya gha tae emwi vbe ẹguae ọba e Babilọn.”

Jerimaia 25:1

Ọ ghi rre ukpo enẹ ne Jehoiakim ne ovbi e Josaia la ẹkete Juda, e Nọyaẹnmwa keghi giee uhunmwu gunmwẹ vbekpa ivbi e Juda hia. (Ọna kegha re vbe ukpo nokaro ne Nebukiadneza gha re ọba e Babilọn.)

Jerimaia 35:1

Ẹghẹ ne Jehoiakim ne ovbi e Josaia ne gha re ọba e Juda, e Nọyaẹnmwa keghi tama mwẹ wẹẹ, “Bu ivbi ẹwae.

Jerimaia 35:11

Sokpan ugbẹn vbe Nebukiadneza ghi mu okuo la ẹvbo na, ọ re ima na wẹ ne a gha die Jerusalẹm ne a miẹn ehe na lẹfe vbe obọ ivbiyokuo e Babilọn kevbe Siria. Ọnii ọ sii ẹe ne ima na rre Jerusalẹm.”

Jerimaia 36:1

Vbe ukpo ne ogienẹ ne Jehoiakim ne ovbi e Josaia kegha re ọba e Juda e Nọyaẹnmwa keghi ta ma mwẹ wẹẹ,

Jerimaia 45:1

Vbe ukpo ne ogienẹ ne Jehoiakim ne ovbi e Josaia yae vbe ọba e Juda, e Barọk keghi gbennẹẹn avbe ẹmwẹ ne I talọ ma rẹn yotọ. Ẹre I na tama rẹn.

Jerimaia 50:1

Uhunmwu ne Nọyaẹnmwa giee gunmwẹ vbekpa ore nọkhua e Babilọn kevbe emwa ni rrọọ ọ re ọna khin:

Jerimaia 52:12

Vbe ikpẹdẹ ne ogigbe ọghe uki ne ogisẹn vbe ọ rre ukpo okpa irrọvbugie ne Ọba Nebukiadneza rriọba e Babilọn, e Nebuzaradan ne arowa ivbiyokuo ẹre kevbe ne ọ gue ẹe zẹ iro keghi la ore Jerusalẹm.

Jerimaia 52:28

Vbenian a gbẹnnẹ ẹmwẹ emwa ne Nebukiadneza viọ kpao zẹ vbe oleghan: ọ ghi rre ukpo ihinrọn ne ọ rriọba, ọ keghi viọ arhin ehayan ugie ọ ya yan arriaisẹn eha (3,023) kpao.

Daniẹl 5:13

A keghi wa zẹgiẹgiẹ rhie Daniẹl do mudia ye odaro ọba, ọba keghi tama rẹn wẹẹ, “Wẹ ọrọre Daniẹl ra, ovbi e Hibru ne ọ rre iwe, ne erha mwẹ ighe ọba mu ke Juda gha die edinran ra?