Asan-Ibo 9:8 - Edo Bible (E Baibol Ẹdo) Version 1996

⁸ Gie ọyẹnmwẹ gha sẹ uwẹ vbe ẹghẹ hia ne u vbe gie aro gha ma ruẹn vbe uhunmwu.

Asan-Ibo 9:8 ပူးပေါင်းရင်းမြစ်များ

II Samuẹl 14:2

Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

II Samuẹl 19:24

Ẹre Mẹfibosiẹt ne eyẹ e Sọl na do khian vba ọba. Ọ ma he sa amẹ ya kpe owẹ, ra ne ọ zẹ ẹtu, ra ne ọ họ ukpọn rẹn, ke ẹghẹ ne ọba ya kpao vbe Jerusalẹm do sẹ ẹghẹ ne ọ na werriegbe rre ke irẹn kevbe akhọnmiotọ.

Ẹsta 8:15

Emwi ne Modekai hẹ ye egbe ladian vbe ẹguae kegha re ẹwu ọba ne a ya eto ovbiohuẹ ododo se, ọ kevbe mu ẹde igoru ne mose mose rhuẹ. Ọre Susa hia na gha we ne ẹẹn bọọ.

Psalm 23:5

Wẹ ye evbare mẹ re, sirra iran ne eghian mwẹ. Wẹ mu ọghọ orhunmwuyẹn yọ mwẹ egbe u keghi sa ukpu mwẹ ne ọ vuọn sẹ ukpẹ.

Daniẹl 10:3

I ma rri evbare esi, I ma rri emiowo rhọkpa, I ma da ayọn, I ma salọ eto mwẹ vbe uzọla eha nii tedo gba gberra.

Emọs 6:6

Ọkpan nọkhua ọ re uwa ya ru ukpu da ayọn, ori ne ọ ghi winhin sẹẹ ọ re uwa ya wo, sokpan, ọ ma da uwa vbe Izrẹl rẹnkhẹn uan.

Matiu 6:17

Wẹ gha rre aguẹ, sa amẹ kpe aro ua, salọ eto ruẹ,

Iyẹn ne ọ Maan Ọghe Luk 7:46

U ma kpe ehe ori ne uhunmwu mwẹ, sokpan ori ne ọ winhin ọre ọ ya khuẹ mwẹ owẹ.

Arhie Maan 16:15

“Wa danmwehọ, I dee zẹ vbe oyi, ọ maa ọre ọghe ọmwa ne ọ ma vbiẹ, ne ọ vbe dọlọ ukpọn ẹnrẹn yi, ne i ra ya irhunmwirhun la ẹvbo, ne ekhue i ra vbe mu vbe adesẹ ẹvbo.”

Arhie Maan 19:14

Ivbiyokuo ẹrinmwi keghi lele ẹe, iran keghi hin ẹsin ni fua, ẹwu ne iran hia yọe keghi re ọghe eto ovbiohuẹ nọfua ne ọ huanrẹn.

Arhie Maan 19:8

A fan obọ ẹre nẹẹn nẹ, ne ọ ya ukpọn eto ovbiohuẹ ne ọ huanrẹn kevbe ne ọ fi wainwain haan.” (Ukpọn eto ovbiohuẹ ọrọre uyinmwẹ ẹmwata ọghe emwa Osanobua.)

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.

Ebe Rut 3:3

Rhunmwuda ọnii, ya khuẹ ye ori ne ọ winhin wuo, ne u viọ ukpọn ruẹn ni maa sẹẹ ye egbe, ne u gha rrie ehe ne ọ na khuọn ọka, sokpan, ghẹ gie ẹe rẹn ighẹ u rre evba ọ te do re ke ne ọ vbe da fo.