Asan-Ibo 9:7 - Edo Bible (E Baibol Ẹdo) Version 1996

⁷ Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Asan-Ibo 9:7 ပူးပေါင်းရင်းမြစ်များ

Gẹnẹsis 12:19

Vbọzẹ ne u na kha wẹ ọtuẹn nokhuo nọ ne u na gunmwẹ rhie ẹre zẹ vbe ọvbokhan mwẹ? Ghe amwọn vba, rhie ẹre ne u ladian.”

I Ọba 8:66

Vbe ikpẹdẹ ne ogierẹnrẹn, e Solomọn keghi zẹ. emwa ni hia urrie, iran hia keghi tian rẹn, iran kegha rrie owa vbe ne ọyẹnmwẹ na sẹ iran ye emwi esi hia ne Nọyaẹnmwa ya ne Devid ne ọguọmwadia ẹre kevbe ivbi Izrẹl ne emwa rẹn.

Asan-Ibo 10:19

Te evbare eghọ ye ọyẹnmwẹ sẹ ọmwa, erriọ ọ re ayọn vbe ya aro ọmwa maa vbe uhunmwu, sokpan ne obọ ruẹ gha sẹtin gba i rrọ adeghẹ igho i rrọọ.

Asan-Ibo 11:8

Gha kpọnmwẹ ye dọmwadẹ ukpo ọkpọkpa ne u loro. Vbene u rhirhi a tọ sẹ hẹ, ye rre wẹ ẹghẹ ne u ra wu la tan sẹẹ ẹsẹse. Emwi ne a ghi ye vbe rhie aro yi ighi rrọọ ọvbehe.

Asan-Ibo 5:18

Emwi ne I gualọ otọ ẹre miẹn ọ re ọna khin wẹ, emwi ne ọ kei ne ọmwa sẹ ọrọre ne ọ gha re, ne ọ gha da, ne ọ ye emwi ne ọ miẹn ẹsọn yi gha zọmọ vbe ẹdagbọn kherhe ne Osanobua rhie ne ẹẹn na: uhunmwu ne ọmwa mu rre ọ re onii khin.

Asan-Ibo 7:14

Emwi gha khian hẹnnẹhẹnnẹ ne uẹn, gha ghọghọ, orueghe gha vbe rre, u ghi ye rre wẹ Osanobua ọ re ọ rhie ọyẹnmwẹ kevbe orueghe rre, u i sẹtin kha ne ọ ghi sẹẹ ọre egbe ne ọ gha rre vbọ.

Asan-Ibo 8:15

Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.

Nọmbas 6:20

Iyekọnii, ohẹn ghi ya ẹe zẹ ọhẹ kpataki gie Nọyaẹnmwa, izẹọhẹ ne ọ huanrẹn, ọghe ohẹn nọ, do deba ẹwẹe kevbe owẹ ogho nii, ne a wa rẹn wẹ ọghe ohẹn nọ. Iyeke ọnii, Agbihiagha nii sẹtin da ayọn.

Iyẹn ne ọ Maan Ọghe Mak 7:29

Rhunmwuda ọnii Jesu tama rẹn wẹẹ, “Gha rrie owa, rhunmwuda ẹmwẹ ne u tae na, orhiọn esu ni lahin uwu ovbi uẹ rre nẹ.”

Iyẹn ne ọ Maan Ọghe Luk 11:41

Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.

Iyẹn ne ọ Maan Ọghe Jọn 4:50

Jesu tama rẹn wẹẹ, “Gha khian ighẹ ovbi uẹ gha fe.” Okpia ni keghi wa ya ẹmwẹ Jesu yi, ọ na gha khian.

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Diuteronomi 12:12

Ẹghẹ nii wa gha ghọghọ vbe odaro ẹre, kevbe ivbi uwa kevbe ọguọmwadia uwa kevbe avbe Livai ni rre ẹvbo uwa, (yerre wẹ avbe Livai i khian gha mwẹ otọ obọ iran.)

Diuteronomi 12:7

Vbe evba nii, vbe odaro e Nọyaẹnmwa Osanobua uwa, ne ọ fiangbe uwa, wẹ kevbe ẹgbẹe ruẹ gha re, wa ghi gha ghọghọ rhunmwuda avbe emwi esi ne uwa miẹn ẹsọn yi.

Ebe Rut 3:7

E Boaz ghi rri evbare nẹ, ọ na vbe da, egbe kegha mu ẹẹn. Ọ kegha rrie ọkpẹn ehe ne a si ọka gboo yi, ọ na ya lovbiẹ. E Rut keghi rẹnrẹn la evba. Ọ na wee ukpọn hin ẹre owẹ rre, ọ na lovbiẹ.