Asan-Ibo 9:3 - Edo Bible (E Baibol Ẹdo) Version 1996

³ Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Asan-Ibo 9:3 ပူးပေါင်းရင်းမြစ်များ

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Job 15:16

Ọmwa nagbọn ghi gha si ọkhọ wọn zẹ vbe amẹ, ẹn, te ọmwa kẹkẹ ua, te ọ wa ku ogboi.

Job 21:26

Sokpan obọkpa nọ, te ehia wulo, a ghi tọnnọ iran ye otọ, ọkhọe ghi ma rhu iran.

Psalm 51:5

Emwi dan ọ re I wa khin, kevbe ne a ya biẹ mwẹ gha dee, I keghi wa vuọn ne orukhọ ke ẹdẹ ne a biẹ mwẹ kpao.

Psalm 64:7

Sokpan, Osanobua ghi fi ifẹnmwẹ ọnrẹn gie iran, emwi ghi vba iran vbe udomwurri.

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Asan-Ibo 1:17

I keghi vbe kha wẹ, I gha ruẹ alughaẹn ne egbe ne ọ rre irẹnmwi kevbe ukọnmwẹ, aro ne ọ hianrẹn kevbe emwẹmwẹ. Sokpan, I keghi miẹn wẹ te ọ yevbe ne ọmwa khu ẹhoho khian.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Asan-Ibo 2:14

Avbe umẹwaẹn sẹtin dẹghe ehe ne iran rrie, sokpan avbe akpa i sẹtin.” Sokpan, I vbe rẹn wẹ emwi okpa ọ re ọ ra rruan ima hia.

Asan-Ibo 7:2

Ọ kere ne a gha rrie owa ne a na khiẹ sẹẹ ne a gha rrie owa ne a na tie ẹbu eghọ, rhunmwuda, te ọ kere ne emwa ni rre agbọn gha ye egbe iran ẹre rre wẹ, uwu diakhẹ dọmwadẹ ọghọe.

Asan-Ibo 7:25

Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Asan-Ibo 9:2

Ọnii ma si emwi rhọkpa, emwi okpa ọ re ọ rruan ọmwa esi kevbe ọmwa dan, ọmwa ne ọ maa kevbe ne ẹ i maa, iran ni mwẹ ekhọe ugamwẹ Osanobua kevbe iran ni i mwẹ, iran ni zọ ese kevbe iran ni i zọ. Ọghe ọmwa esi ma maa sẹ ọghe ọmworukhọ, ọmwa ne ọ vẹn ihẹn ma maa sẹ ọmwa ne ẹ i vẹn.

Asan-Ibo 9:4

Sokpan, ọmwaikọmwa ne ọ rre agbọn emwa nagbọn, ye mwẹ idanmwehọ, ekita ne ọ ma he wu ọ re ọ maa sẹẹ oduma ne ọ wu nẹ.

Jerimaia 16:12

Sokpan wa ọ re ọ wa vbe rhia sẹẹ avbe erha uwa odede. Wa hia ọ re ọ wa ze vbe udu, wa kevbe mwẹ ekhọe dan, wa i vbe hẹnmwẹ mẹ.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

Iyẹn ne ọ Maan Ọghe Luk 15:17

Vbe okiekie, aro keghi do ru ẹe gboo, ọ na kha wẹẹ, ‘Avbe emwa ni winna ne erha mwẹ hia miẹn gha zẹre zẹ kọ, ghe mwẹ, ohanmwẹ ra gbe mwẹ uan vbe emwa na.

Iyẹn ne ọ Maan Ọghe Luk 6:11

Sokpan ohu mu iran hia, iran na ya gha si uma vbene iran gha ru Jesu hẹ.

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

Iwinna 26:11

Ẹghẹ ni bun ọre I ya gha rri iran oya vbe uwu Ọgua ediọn, I na gha hia ne I ruẹ e ne iran siẹn iyayi iran, ohu iran mu mwẹ sẹrriọ wẹ, I na gha mu va ye isi ya gha lọghọ iran vbe odọ.

Iwinna 26:24

Ugbẹn vbe Pọl ghi zẹ ene unu ẹnrẹn vbe nian, Fẹstọs keghi wa van okan mu ẹn wẹ, “Te u mwẹmwẹ Pọl, Ebe ne u ruẹ gbe ọre ọ ra si emwẹmwẹ ye uẹ egbe na.”

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

II Pita 2:16

A keghi guẹe gui ye abakuru ẹre. Rhunmwuda ekẹtẹkẹtẹ ne odin keghi rhan unu guan, zẹ vbe ọmwa ne agbọn, ọ na da akhasẹ ni obọ uyinmwẹ ọmwẹmwẹ ne ọ te ra yin yi.