Asan-Ibo 9:2 - Edo Bible (E Baibol Ẹdo) Version 1996

² Ọnii ma si emwi rhọkpa, emwi okpa ọ re ọ rruan ọmwa esi kevbe ọmwa dan, ọmwa ne ọ maa kevbe ne ẹ i maa, iran ni mwẹ ekhọe ugamwẹ Osanobua kevbe iran ni i mwẹ, iran ni zọ ese kevbe iran ni i zọ. Ọghe ọmwa esi ma maa sẹ ọghe ọmworukhọ, ọmwa ne ọ vẹn ihẹn ma maa sẹ ọmwa ne ẹ i vẹn.

Asan-Ibo 9:2 ပူးပေါင်းရင်းမြစ်များ

Gẹnẹsis 24:3

I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

Psalm 73:3

Rhunmwuda, I kegha gbe ọ ma kan uwa ne iran ni tọn egbe mu, vbe I miẹn wẹ emwi wa dinna odẹ ne emwa dan.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 3:19

Agbọn hia rẹnrẹn ighe emwi okpa ọ re ọ ra rruan ọmwa kevbe aranmwẹ. Vbene okpa wu ọ re nọkpa vbe wu. Emwi ne a yi okpa ọ re iran eveva khin. Ọmwa nagbọn ma maa sẹ aranmwẹ rhunmwuda, agbọn na i mwẹ esa ne ọ ye ne erhọkpa.

Asan-Ibo 6:6

ọ vbe ye onii maa sẹẹ ọmwa ne ọ ma lo agbọn rẹn, ọ gha khọn rẹn ne ọ ye ukpo arriaisẹn eva vbe agbọn. Vbe uwu ehia ihọkpa ọ re iran eveva rrie.

Asan-Ibo 7:18

Gie emwi hia gha re oreghe. Adeghẹ u ya ọghọ ne Osanobua, ẹ i mwẹ ọ ma dunna nuẹn.

Asan-Ibo 7:2

Ọ kere ne a gha rrie owa ne a na khiẹ sẹẹ ne a gha rrie owa ne a na tie ẹbu eghọ, rhunmwuda, te ọ kere ne emwa ni rre agbọn gha ye egbe iran ẹre rre wẹ, uwu diakhẹ dọmwadẹ ọghọe.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Asan-Ibo 9:3

Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Jerimaia 43:6

Avbe ikpia kevbe ikhuo, ibiẹka kevbe avbe ivbi ọba nikhuo. Iran keghi viọ emwa hia ne arowa ivbiyokuo ighe Nebuzaradan te sẹrae ne Gedalaia gha gbearoghe, kpao kevbe Barọk, kevbe imẹ.

Malakai 3:15

Vbene ima ghi ghe ẹre na, iran ni tọn egbe mu ọ re ọ ghi rre uwu oghọghọ. Ẹire wẹ te agbọn wa ma emwa dan ọkpa, sokpan iran ghi ye uyinmwẹ dan iran danmwẹ Osanobua ghe ne egbe wọ ẹre, a i vbe ru iran emwirhọkpa.’ ”

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

I Samuẹl 14:26

Owọn wa vuọn oha nii hia, sokpan a ma miẹn ne ohan gie ẹe danmwẹ ọẹn rhunmwuda ohan ihẹn ne Sọl tiere mu iran.