Asan-Ibo 9:16 - Edo Bible (E Baibol Ẹdo) Version 1996

¹⁶ Ọkpẹre ne I kegha ta ẹe wẹ ẹwaẹn ọ re ọ maa sẹ ẹtin, sokpan, a i miẹn ne ọ kha ighe ovbiogue wan, ra ne ọ zẹ ye ẹmwẹ ne ọ guan.

Asan-Ibo 9:16 ပူးပေါင်းရင်းမြစ်များ

Itan 10:15

Te ẹfe degue ọmwa ne ọ fe sokpan, te ogue miẹn ovbiogue uhunmwu.

Itan 21:22

Ọkaokuo ne ọ ye ẹwaẹn agbe aro kotọ ru emwi, gha sẹtin khọn mu ẹvbo ne emwa ẹtin wan ga, ọ ghi vbe dunmwu ekẹn ne a gbe ga ẹre ne iran ya khẹ egbe ua.

Itan 24:5

A waan ọ re ọ maa sẹ a wegbe, vbe ne ẹmwata, irẹnmwi ọ re ọ ru emwi kpataki sẹẹ ẹtin.

Itan 8:14

I gha zẹ iro emwi, I ghi vbe ru ẹe, I mwẹ irẹnmwi, I vbe wegbe.

Asan-Ibo 10:10

Adeghẹ ughanmwa ruẹn gbin, ighe u ma lọ ẹe, te u ghi ra miẹn ẹsọn sayọ vbe u a gha ya ẹe winna. A mwamwa iwinna ururo ye otọ khẹ ọ dee, ọ re ọ maa sẹẹ.

Asan-Ibo 7:12

ọ gha vbe ru ẹe ne ẹkun sẹ uẹ otọ zẹ vbene igho vbe ru. Ẹwaẹn sẹtin ru ẹe ne u gha rrọ vbe a i mwẹ ẹbe, erriọ ọ re irẹnmwi na maa sẹẹ.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Asan-Ibo 9:18

Ẹwaẹn ọ re ọ dunna na sẹ umozo, sokpan, ọmworukhọ gha sẹtin mu emwi esiesi ọrhẹnrhẹn rhia.