Asan-Ibo 9:15 - Edo Bible (E Baibol Ẹdo) Version 1996

¹⁵ Okpia okpa ne ọ re ovbiogue, sokpan ọmọ ne ẹwaẹn gba na, keghi rre evba, ọ gha te sẹtin miẹn ẹvbo nii fan, sokpan a ma miẹn ne ọ ziro kan rẹn.

Asan-Ibo 9:15 ပူးပေါင်းရင်းမြစ်များ

Gẹnẹsis 40:23

Sokpan nọ siẹnro ayọn ma ghi mu ẹmwẹ Josẹf roro, ọ keghi mianmianẹn.

II Samuẹl 20:22

Okhuo nii keghi mu iro nii gie ẹvbo. Iran na fian Siẹba uhunmwu, iran na fiẹe la uhunmwu ekẹn gie Joab, rẹn keghi kpe okpe, emwa rẹn hia keghi kpao vbe ẹvbo nii rre, iran na gha rrie. Ẹre Joab na dọlegbe bu ọba gha rrie Jerusalẹm.

Itan 21:22

Ọkaokuo ne ọ ye ẹwaẹn agbe aro kotọ ru emwi, gha sẹtin khọn mu ẹvbo ne emwa ẹtin wan ga, ọ ghi vbe dunmwu ekẹn ne a gbe ga ẹre ne iran ya khẹ egbe ua.

Asan-Ibo 2:16

A i miẹn ne ọ ye avbe umẹwaẹn rre, a i miẹn ne ọ ye avbe akpa rre. Te a ra mianmian ima hia vbe ẹghẹ ne ọ dee. Te ima hia ra wulo, kevbe avbe umẹwaẹn kevbe avbe ọzuọ.

Asan-Ibo 4:13

Ọmwa wa sẹtin ke ovbiogue kpao do rriọba ẹvbo ẹre, ra ne ọ ke ẹwẹdọ la ẹkete, sokpan, adeghẹ a miẹn wẹ vbe ọ khian ọmaẹn nẹ, ẹ i he ye wan vbene ọ gha na gha rhie vbe a gha bu ẹre ude, ọ ma maa vba igbama ne ọ re ovbiogue sokpan, ọ keghi mwẹ ẹwaẹn.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Asan-Ibo 8:10

Vbe ẹmwata, mẹ miẹn emwa dan ne a re ye idin iran, a ghẹ ghi gha vbe ke itẹ dee, emwa ghi vbe gha tian iran vbe ẹvbo okpa nii ne iran na ru avbe emwi dan hia. Ọna i zẹdẹ maa.