Asan-Ibo 9:1 - Edo Bible (E Baibol Ẹdo) Version 1996

¹ I kakabọ roro emwi na, I keghi miẹn wẹ Osanobua ọ re ọ kha vbene emwa esi kevbe ni wan gha ru emwi hẹ, uhin ya sẹ egbe aho ẹmwẹ ọmwa kevbe ikhuiwu ne iran mwẹ. Orhunmwu ọkpa ne ọ rẹn emwi ne ọ rre ọre odaro i rrọ.

Asan-Ibo 9:1 ပူးပေါင်းရင်းမြစ်များ

Job 12:10

Osanobua ọ re ọ dia ẹdẹ agbọn avbe emwi ne ọ yi; obọ ẹtin ẹnrẹn ọre ẹdẹ agbọn emwa hia ye.

Job 27:12

Ẹn o, a rhe ta ẹẹ na, wa tobọ uwa ya aro uwa miẹn ọẹn nẹ; vbe uwa a ghi na guan ẹmwẹ oya vberriọ hẹ yi?

Job 5:8

“Akpawẹ mẹ ọrọre uwẹ, I ghẹ hẹko sikẹ Osanobua I gha gui ẹzọ mwẹ ma rẹn.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 119:109

I mu egbe vbe ẹghẹ hia ne I wu ba ẹre, I ma he mianmian uhi ruẹ.

Psalm 31:5

Wẹ ọ re I lẹ gbinna u ghi miẹn mwẹ fan Nọyaẹnmwa, Osanobua ne ọ gie a mu ẹtin yan, ọ re uwẹ khin.

Psalm 73:3

Rhunmwuda, I kegha gbe ọ ma kan uwa ne iran ni tọn egbe mu, vbe I miẹn wẹ emwi wa dinna odẹ ne emwa dan.

Itan 16:3

Rinmwian e Nọyaẹnmwa ne ọ yobọ ye emwamwa ruẹn, u gha ra ru ẹe, te ọ wa dunna nuẹn.

Asan-Ibo 1:17

I keghi vbe kha wẹ, I gha ruẹ alughaẹn ne egbe ne ọ rre irẹnmwi kevbe ukọnmwẹ, aro ne ọ hianrẹn kevbe emwẹmwẹ. Sokpan, I keghi miẹn wẹ te ọ yevbe ne ọmwa khu ẹhoho khian.

Asan-Ibo 10:14

Ọzuọ ghi gha talọ khian kpẹrẹ. Ọmwa ne ọ rẹn emwi ne ọ ghi ra sunu irrọ, ọmwa rhọkpa i vbe sẹtin tama ọmwa emwi ne ọ ghi ra sunu vbe ọmwa a wu nẹ.

Asan-Ibo 7:15

Te ẹdẹ agbọn mwẹ kulo, sokpan aro mwẹ miẹn emwi hia nẹ vbọ. Ọmwa esi sẹtin wa wu vbene ọmwa ọvbehe na ye tọ khian, egbe ne ọ ya re ọmwa dan.

Asan-Ibo 7:25

Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 8:14

Ẹmwẹ oya ọ re ọna wa khin. Wẹ ghe emwi ne ọ sunu vbe agbọn na, ugbẹnso, emwa esi ghi ya uhunmwu hẹ oya ne ọ khẹke ọmwa dan, emwa dan, ghi ya rri ere ne ọ khẹke ọmwa esi, I wẹ ọna i maa.

Asan-Ibo 8:16

Ẹghẹikẹghẹ ne I ya ho ne I gha wan, kevbe ne I vbe rẹn emwi ne ọ khian vbe agbọn na, I ghi miẹn wẹ ọmwa sẹtin rhan aro ua ye ukpo kevbe asọn kevbe avan.

Asan-Ibo 8:7

Ọkpa vbe uwu ima ne ọ rẹn emwi ne ọ gha sunu i rrọ, a i vbe miẹn ne ọ gha ta ẹe ma ima.

Asan-Ibo 9:6

Ahoẹmwọmwa iran, ẹko khọmwẹ iran, kevbe emwi ne ọ fifi iran egbe ehia wulo lele iran. Iran i ghi sẹtin mwẹ obọ vbe emwikemwi ne a ru vbe agbọn na.

Aizaia 26:12

Nọyaẹnmwa, u gha gie agbọn ma mwa, emwi ne ima ru ne ọ dunna ne ima hia, emwi ne ọ ke uwu emwi ne uwẹ ru mẹ rre nọ.

Jerimaia 43:6

Avbe ikpia kevbe ikhuo, ibiẹka kevbe avbe ivbi ọba nikhuo. Iran keghi viọ emwa hia ne arowa ivbiyokuo ighe Nebuzaradan te sẹrae ne Gedalaia gha gbearoghe, kpao kevbe Barọk, kevbe imẹ.

Diuteronomi 33:3

E Nọyaẹnmwa ho ẹmwẹ emwa ẹnrẹn, ọ keghi vbe degue iran ni re ọghe ọe. Rhunmwuda ọnii, ma ghughẹrre vbe owẹ ọre a na ya uhi ẹre gha ru emwi.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.