Asan-Ibo 8:9 - Edo Bible (E Baibol Ẹdo) Version 1996

⁹ Ẹghẹ ne I na gha roro ẹmwẹ emwi ne a ru vbe agbọn na, ọ re I na miẹn emwi na hia; agbọn na ne emwa eso na wa mwẹ ẹtin, emwa ọvbehe ghi gha sẹ usẹ lele iran.

Asan-Ibo 8:9 ပူးပေါင်းရင်းမြစ်များ

II Ọba 25:7

Vbe Sirra e Zedekaia, a keghi gbele ivbi ẹre ne ikpia a, e Nebukiadneza na wẹ ne iran wọlọ e Zedekaia aro hẹ kua, a keghi ya ọgiọrọ rrọ ẹre mu gha rrie e Babilọn.

Ẹksọdọs 14:28

Amẹ keghi lẹ werriegbe rre, ọ na ro gue avbe ikẹkẹ okuo, iran nii gua ẹe kevbe ivbiyokuo Igipt hia nii lele ivbi Izrẹl la uwu okun, ọkpa ne ọ miẹn uhunmwu i rrọọ.

Asan-Ibo 1:14

Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 3:10

I rẹn ihẹ ẹrẹkhẹrẹ ne Osanobua kun ne ọmwa.

Asan-Ibo 3:16

Deba ena hia, I keghi vbe miẹn uyimwẹ ika vbe ehe ne ọ te kei ne a ta ẹmwata kevbe emwi ne ọgbae gha ye.

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Asan-Ibo 5:7

Vbene ọ khọn ruẹn u mina sẹ hẹ, vbene u a rhirhi miẹn ẹsọn kua sẹ hẹ, ra ne u talọ sẹ hẹ, ọ kere ne u ye gha mu ohan Osanobua.

Asan-Ibo 5:8

Ghẹ giee yan uwe unu uan adeghẹ arriọba kpokpo ovbiogue, ighe ọ ma vbe gie a bu ohiẹn ẹmwata ne iran, ra ne a rhie emwi ne ọ khẹke iran ne iran. Dọmwadẹ ọmwa iwinna, ọmwa ne irẹn rre ototọ ẹre, ọ re ọ sinmwi ne ẹẹn, ọmwa ne ukpo ẹre ghi vbe yo sẹẹ ọ re ọ sinmwi ne iran eveva.

Asan-Ibo 7:25

Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 7:7

Ọmwa ne ọ wan gha mu ọmwa ru, uyinmwẹ ọzuọ ọ re ọ yinrin nii. U gha miẹn igho odieke, u mu eni ruẹn rhia nẹ.

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.