Asan-Ibo 8:7 - Edo Bible (E Baibol Ẹdo) Version 1996

⁷ Ọkpa vbe uwu ima ne ọ rẹn emwi ne ọ gha sunu i rrọ, a i vbe miẹn ne ọ gha ta ẹe ma ima.

Asan-Ibo 8:7 ပူးပေါင်းရင်းမြစ်များ

Ẹsta 5:12

E Haman keghi rhie te ẹe wẹẹ, “Ne ọ ghi wa sẹ vbe ena hia, ọmwa ọvbehe ne Ẹsta ne Oloi le evbare tie sẹ owa ẹ i rrọọ gberra ọba kevbe imẹ. Ọ wẹ ne ima vbe dọlegbe gha dee akhuẹ.

Itan 24:22

U he roro ẹe ghe ẹdẹ vbene ọ kpọlọ sẹhẹ ighe emwi ne ọba ra Osanobua sẹtin wẹ ne ọ rruan ọmwa.

Itan 27:1

Ghẹ rhuọ khẹ ẹdẹ nakhuẹ; wẹ ma rẹn emwi ne ọ gha sunu ke ẹghẹ na kpao ya sẹ ẹghẹ nii.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Asan-Ibo 10:14

Ọzuọ ghi gha talọ khian kpẹrẹ. Ọmwa ne ọ rẹn emwi ne ọ ghi ra sunu irrọ, ọmwa rhọkpa i vbe sẹtin tama ọmwa emwi ne ọ ghi ra sunu vbe ọmwa a wu nẹ.

Asan-Ibo 3:22

Rhunmwuda ọnii, I keghi do miẹn wẹ emwi ne ọ maa sẹẹ ne ima gha sẹtin ru ọrọre ne a lo emwi ne ima miẹn ẹsọn yi ya gha zọmọ. Emwi ọvbehe ne ima gha sẹtin ru ighi rrọọ. Odẹ okpa i rrọọ ne ima gha la rẹn emwi ne ọ ra sunu vbe ima a wu nẹ.

Asan-Ibo 6:12

Vbe ọmwa gha na rẹn emwi ne ọ kei ne ẹẹn sẹ vbe agbọn ne tuai ne ẹ i mwẹ esa na, agbọn ne ọ rhie gberra khian vbe aghọnghọn? Vbe ọmwa gha ya rẹn emwi ne ọ gha sunu vbe irẹn a wu nẹ hẹ?

Asan-Ibo 7:14

Emwi gha khian hẹnnẹhẹnnẹ ne uẹn, gha ghọghọ, orueghe gha vbe rre, u ghi ye rre wẹ Osanobua ọ re ọ rhie ọyẹnmwẹ kevbe orueghe rre, u i sẹtin kha ne ọ ghi sẹẹ ọre egbe ne ọ gha rre vbọ.

Asan-Ibo 9:1

I kakabọ roro emwi na, I keghi miẹn wẹ Osanobua ọ re ọ kha vbene emwa esi kevbe ni wan gha ru emwi hẹ, uhin ya sẹ egbe aho ẹmwẹ ọmwa kevbe ikhuiwu ne iran mwẹ. Orhunmwu ọkpa ne ọ rẹn emwi ne ọ rre ọre odaro i rrọ.

Asan-Ibo 9:12

U i sẹtin rẹn ẹghẹ ne ẹghẹ ruẹ gha ya rre. Zẹ vbene ifi mu ahianmwẹ vbe udomwurri, zẹ vbe ehẹn ne ọga mu, erriọ ọ re emwi dan zẹdia sunu vbe egbe mwa, vbe a ma ro a ma kọ.

Matiu 24:44

Rhunmwuda ọnii nian, wa khẹ ye egbe rhunmwuda Ovbi Ọmwa gha rre vbe ẹghẹ ne uwa ma ro wa ma kọọ.

Matiu 24:50

Sokpan arowa ẹre gha rre vbe ẹdẹ ne ọ ma ro ọ ma kọọ.