Asan-Ibo 8:2 - Edo Bible (E Baibol Ẹdo) Version 1996

² Gha ru vbene ọba khare, ghẹ vbe tua ve Osanobua emwi.

Asan-Ibo 8:2 ပူးပေါင်းရင်းမြစ်များ

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

I Ọba 2:43

Vbọzẹ ne u ma na ghi mu eyan ruẹn sẹ nian, u ma ru vbene I khare?

I Krọnikol 29:24

Iran ni rre asẹ hia kevbe avbe ivbiyokuo, uhin ya sẹ egbe ivbi e Devid nekpa, keghi yan wẹ iran gha ye ekhọe ga e Solomọn zẹ vbe ọba.

Ẹksọdọs 22:11

ihẹn vbe owa ugamwẹ ọre a ghi ya rẹn a deghẹ te ọ ma do emwi ọmwa nọkpa nii rhie. a deghẹ ẹki oyi irrọọ, e nọyan rẹn ghi sẹ ẹmwẹ emwi ne ọ wiri rae vberriọ vbe ne ọmwa nii i na vbe ha ẹre osa.

Itan 24:21

Gha ya ọghọ ne Nọyaẹnmwa, ovbi mwẹ, vbe gha da ne ọba. Ghẹ gu avbe emwa ni sọtẹ iran muobọ. Egbe emwa vberriọ sẹtin wa fuan vbe udomwurri.

Taitọs 3:1

Ye avbe emwa ruẹn ẹre rre, ne iran gha gbe uhunmwu ke otọ ne iran ni rre asẹ kevbe ọdakha, ne iran gha họn ẹmwẹ ne iran, ne iran mu egbe ne iran gha ya gha ru emwi ne ọ maa vbe ẹghẹ hia.

I Samuẹl 14:26

Owọn wa vuọn oha nii hia, sokpan a ma miẹn ne ohan gie ẹe danmwẹ ọẹn rhunmwuda ohan ihẹn ne Sọl tiere mu iran.