Asan-Ibo 8:15 - Edo Bible (E Baibol Ẹdo) Version 1996

¹⁵ Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.

Asan-Ibo 8:15 ပူးပေါင်းရင်းမြစ်များ

Psalm 42:8

E Nọyaẹnmwa, ne ọ gie aho ẹmwẹ ọmwa rẹn ne ẹ i beghe rhie egbe maa vbe ẹghẹ avan. Ne i miẹn ehe ne miẹn ihuan so vbe asọn, erhunmwu ghe Osanobua ẹdagbọn mwẹ.

Asan-Ibo 2:1

I keghi kha wẹ, I gha kuobọyuwa ne I rẹn emwi ne a ya ẹko rhiẹnrhiẹnmwẹ kha, I kevbe miẹn wẹ, ọna i vbe mwẹ esa.

Asan-Ibo 2:10

Emwikemwi ne I rhirhi a gha ho, kegha sẹ mwẹ obọ, I ma vbe ye emwi ne ọ ghi re ne ọ ye ẹko ọmwa sẹ ọyẹnmwẹ rhọkpa hin egbe mwẹ unu. Ẹko emwi hia ni winna yi ke wa vuọn mwẹ, ena hia kegha re ere ne I miẹn vbo.

Asan-Ibo 2:24

Emwi ne ọ maa sẹẹ ne ọmwa gha sẹtin ru ọrọre ne ọ gha re, ne ọ gha da kevbe ne ọ ya okhuan ne ọ khuaẹn gha zọmọ. Levba se vba, I kevbe miẹn wẹ obọ Osanobua ọ re ọna ke rre.

Asan-Ibo 2:3

Rhunmwuda ne ekhọe mwẹ na rrọ wẹ I ho ne I gha wan, I keghi wẹ I gha ye ayọn ne a da sẹ ọyẹnmwẹ ne I gha ru ọghe ne agbọn sẹ ọre obọ. I keghi roro ẹe wẹ erriọ ọ re ọ kere ne emwa ya lo agbọn ne ẹ i sa lo na.

Asan-Ibo 3:22

Rhunmwuda ọnii, I keghi do miẹn wẹ emwi ne ọ maa sẹẹ ne ima gha sẹtin ru ọrọre ne a lo emwi ne ima miẹn ẹsọn yi ya gha zọmọ. Emwi ọvbehe ne ima gha sẹtin ru ighi rrọọ. Odẹ okpa i rrọọ ne ima gha la rẹn emwi ne ọ ra sunu vbe ima a wu nẹ.

Asan-Ibo 5:18

Emwi ne I gualọ otọ ẹre miẹn ọ re ọna khin wẹ, emwi ne ọ kei ne ọmwa sẹ ọrọre ne ọ gha re, ne ọ gha da, ne ọ ye emwi ne ọ miẹn ẹsọn yi gha zọmọ vbe ẹdagbọn kherhe ne Osanobua rhie ne ẹẹn na: uhunmwu ne ọmwa mu rre ọ re onii khin.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.