Asan-Ibo 8:12 - Edo Bible (E Baibol Ẹdo) Version 1996

¹² Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Asan-Ibo 8:12 ပူးပေါင်းရင်းမြစ်များ

I Ọba 21:25

(A ma he vbe miẹn ọmwa ne ọ wa rhie egbe ẹre fẹẹrẹ yọ ne ọ wa gha ru emwi ne ọ ma gba vbe odaro e Nọyaẹnmwa zẹ vbe ne Ehab gha ye, ne a miẹn wẹ e Jezibẹl ne amwẹ ọnrẹn gha kpikpi fiọ ne ọ gha ru ẹe.

I Krọnikol 16:30

Wa gha guọ vbe odaro ẹre, agbọn na hia a mu ẹkun agbọn sẹ otọ nẹ gbain vbe ihe ẹre a i ghi sẹtin vbọe ọvbehe.

Job 35:15

U ro wẹ Osanobua i rri ọmwa oya, wẹ, ẹ i mobọ zẹye ẹmwẹ orukhọ.

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 115:13

Ọ gha fiangbe iran hia ni ye ọghọ ne ẹẹn, ke ne ọ kpolo, kevbe ne ọ kanmwa.

Psalm 128:2

Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

Psalm 37:11

Sokpan avbe ọmẹhẹ ọ re ọ ra yan otọe nii iran ghi vbe gha ye ọfumwegbe zọmọ vbe uwu ẹre.

Psalm 96:9

wa ghughẹrre vbe odaro ọmwa Ne ọ huanrẹn vbe ọ gha ya egbe ladian. Wa gha guọ zẹzẹzẹ vbe odaro ẹre otọ agbọn hia.

Ẹksọdọs 1:20

Osanobua kegha ru ikhuo ni mu emwi ubiẹmwẹ nii ẹse, ivbi Izrẹl kegha muan yọ, iran na vbe wo vbe egbe.

Itan 13:21

Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Itan 28:14

Gha họn ẹmwẹ ne Nọyaẹnmwa ẹghẹ hia, wẹ gha mwẹ ẹko rhiẹnrhiẹn mwẹ. Adeghẹ u zevbudu te u ra fuan.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Asan-Ibo 3:14

Mẹ rẹnrẹn wẹ emwi ne Osanobua ru hia, etẹbitẹ nọ. Wẹ i sẹtin fian te ẹe ra ne u fian hin. Ọkpa vbe emwi ne Osanobua ru ọrọre ne ima gha ya ọghọ ne ẹẹn.

Asan-Ibo 5:16

Ọna ma gba! Vbene ima ya rre ọ re a ya rrie. Ma ghi gha miẹn ẹsọn ẹsọn, a ghi gha ho ne a mu ẹhoho. De emwi ne ọ ghi sẹ ọmwa obọ?

Asan-Ibo 5:7

Vbene ọ khọn ruẹn u mina sẹ hẹ, vbene u a rhirhi miẹn ẹsọn kua sẹ hẹ, ra ne u talọ sẹ hẹ, ọ kere ne u ye gha mu ohan Osanobua.

Asan-Ibo 7:15

Te ẹdẹ agbọn mwẹ kulo, sokpan aro mwẹ miẹn emwi hia nẹ vbọ. Ọmwa esi sẹtin wa wu vbene ọmwa ọvbehe na ye tọ khian, egbe ne ọ ya re ọmwa dan.

Asan-Ibo 7:18

Gie emwi hia gha re oreghe. Adeghẹ u ya ọghọ ne Osanobua, ẹ i mwẹ ọ ma dunna nuẹn.

Jerimaia 44:10

Sokpan, do sẹ ẹdẹnẹrẹ na, wa ma ye mu egbe rriotọ. Wa ma he ye ya ọghọ mẹ ra ne uwa gha ya uhi ne I yi ne uwa kevbe avbe erhan uwa odede ru emwi.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

Diuteronomi 12:25

A deghẹ wa họn ẹmwẹ ne ẹn ẹko gha rhiẹnrhiẹn e Nọyaẹnmwa, agbọn ghi ma uwa kevbe avbe ivbi uwa.

Diuteronomi 12:28

Wa ya ẹkoata gha ru avbe emwi ne I tama uwa na, agbọn gha ma uwa ke ivbi uwa ẹdẹdẹmwẹdẹ rhunmwuda wa gha ru emwi ne o kere kevbe emwi ne ọ yẹ e Nọyaẹnmwa ne Osanobua rua.

Diuteronomi 4:40

Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.