Asan-Ibo 8:11 - Edo Bible (E Baibol Ẹdo) Version 1996

¹¹ Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Asan-Ibo 8:11 ပူးပေါင်းရင်းမြစ်များ

II Samuẹl 11:15

Ọ na gbẹn wẹẹ: “Rhie Uraia ye odaro igbinna vbe ehe ne ọ na yọn sẹẹ, wa ghi he ẹe yọ ne u wa gie obọ vba ẹre.”

Job 24:23

Osanobua sẹtin giee gha rrọọ vbe a i mwẹ ẹbe, sokpan ọ wa baba ẹe vbe ẹghẹ hia.

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 10:6

Rẹn ghi tama egbe ẹre wẹẹ, “Mẹ i gbekuẹn ẹdẹ, mẹ i miẹn ọlọghọmwa ẹdẹ.”

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Ẹksọdọs 34:6

E Nọyaẹnmwa kegha gberra vbe odaro ẹre, ọ keghi datie wẹẹ, “Mẹ ne Nọyaẹnmwa, ọrọre Osanobua ne ọ vuọn ne agiẹngiẹn ne a i sẹtin rherhe ya ohu mu, ne ọ mwẹ aho ẹmwẹ ne ẹ i beghe kevbe amuẹntinyan.

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 8:32

Uhin ye vbe do sẹ egbe ona, te ọba ye dọlegbe yin ehọ, ọ ma gie emwa nii kpao.

Asan-Ibo 9:3

Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Aizaia 26:10

A gha rhe miẹn wẹ u tohan emwa dan iran i ye ruẹ vbene a ru emwi ẹse he uhin vbe ẹvbo ẹmwata ne a ye vbe emwa na te iran ye ru emwi dan. Iran ma ho ne iran miẹn ukpọlọmwẹ ruẹn kue.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Jerimaia 48:11

E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.