Asan-Ibo 8:10 - Edo Bible (E Baibol Ẹdo) Version 1996

¹⁰ Vbe ẹmwata, mẹ miẹn emwa dan ne a re ye idin iran, a ghẹ ghi gha vbe ke itẹ dee, emwa ghi vbe gha tian iran vbe ẹvbo okpa nii ne iran na ru avbe emwi dan hia. Ọna i zẹdẹ maa.

Asan-Ibo 8:10 ပူးပေါင်းရင်းမြစ်များ

Job 21:18

Ra ne ọ hoho iran gha rrie zẹ vbe ebe ne ọkakae vbe uwu ẹhoho, ra zẹ vbe ebubẹ ne okpẹhoho bi gha rrie?

Psalm 31:12

Te emwa hia ghi mianmian mwẹ, zẹ vbe ọmwa ne ọ wu nẹ, I ye vbe emwi ne a fi fua.

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Asan-Ibo 1:11

A i miẹn ọmwa ne ọ ye emwi ne ọ sunu ẹghẹ ne ọ gberra ẹghẹ nẹdẹ rre, debare, a i vbe miẹn ọmwa ne ọ gha ye emwi ne ọ sunu ke ẹghẹ na, ya sẹ ẹghẹ nii rre vbe ẹghẹ ne ọ dee.

Asan-Ibo 2:16

A i miẹn ne ọ ye avbe umẹwaẹn rre, a i miẹn ne ọ ye avbe akpa rre. Te a ra mianmian ima hia vbe ẹghẹ ne ọ dee. Te ima hia ra wulo, kevbe avbe umẹwaẹn kevbe avbe ọzuọ.

Asan-Ibo 9:15

Okpia okpa ne ọ re ovbiogue, sokpan ọmọ ne ẹwaẹn gba na, keghi rre evba, ọ gha te sẹtin miẹn ẹvbo nii fan, sokpan a ma miẹn ne ọ ziro kan rẹn.

Asan-Ibo 9:5

Erriọ nọ, emwa ni rre agbọn rẹnrẹn ighe iran gha wulo, sokpan, iran ni wulo nẹ ma rẹn emwi rhọkpa. Iran i ghi vbe mwẹ ere ọvbehe, a mianmian iran nẹ fẹẹrẹ.

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Iyẹn ne ọ Maan Ọghe Luk 16:22

Ovbiogue nii ghi wu, avbe odibosa keghi mu ẹn ya diake Ebraham vbe ẹrinmwi. Enọfe ni keghi vbe wu, a na re ẹre.

Iwinna 6:13

Iran keghi viọ emwa eso rre wẹ ne iran do sẹ osẹe ohoghe gbe ẹe. Iran wẹẹ, “Te okona wa fi unu gie Ọgua Osa mwa ne ọ huanrẹn kevbe uhi Mosis.

Hibru 10:38

Sokpan emwa ẹmwata mwẹ gha yayi, iran gha vbe fe. sokpan deghẹ ọmwaikọmwa vbe uwu iran werriegbe, ẹko mwẹ i ra rhiẹnrhiẹn ghe ẹre.”