Asan-Ibo 7:4 - Edo Bible (E Baibol Ẹdo) Version 1996

⁴ Ọmwa ne ọ wa ro iro vbekpa ọyẹnmwẹ vbe ẹghẹ hia, ọzuọ nọ. Ọmwa ne ọ wan, ẹmwẹ uwu ọ re ọ mu ro.

Asan-Ibo 7:4 ပူးပေါင်းရင်းမြစ်များ

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

I Ọba 20:16

Ẹghẹ ogiavan ọre igbinna ya suẹn vbe Benhadad kevbe iran eva yan ọgban ni deba ẹre da ayọn gbe egbe vbe agọ ukpọn iran.

Asan-Ibo 2:1

I keghi kha wẹ, I gha kuobọyuwa ne I rẹn emwi ne a ya ẹko rhiẹnrhiẹnmwẹ kha, I kevbe miẹn wẹ, ọna i vbe mwẹ esa.

Asan-Ibo 7:3

Akhiẹ ọ re ọ maa sẹẹ ogiẹ, ọ sẹtin ye aro ruẹ suku ua sokpan, ọ gha gie ẹdẹ gbe uẹ vbe ẹko sayọ.

Asan-Ibo 7:5

Ọ kere ne emwa esi gha gu ọmwa gui sẹẹ ne avbe akpa do gha kpe ọbọbọ ne ọmwa.

Aizaia 21:4

Aro wa lẹga mwẹ, te I ghi guọ zẹzẹzẹ rhunmwuda ohan. Te I ghi khẹ wẹ ne ẹdẹ mu sokpan, ọnii ma vbe rhie emwi rhọkpa gunmwuẹ gberra ohan.

Jerimaia 51:39

Te iran zuan ra? I gha le evbare ne iran, I gha ya ayọn ne iran da, iran ghi vbe gha ghọghọ. Iran gha ya vbiẹ vbe ne iran i ghi ra na rhiọrre ọvbehe.

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Hozia 7:5

Ẹdẹ ne ọba do ugie, iran ghi ye ayọn ne ọba kevbe ekhaẹmwẹ ọnrẹn da sẹrriọ wẹ iran ghi do gha zurọ.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

I Samuẹl 25:36

Abigẹl keghi bu e Nabal gha khian vbe ọ wa rre eghọ, egbe ne ọ kei ne ọba. Ayọn gbe ẹe, ọ keghi wa vbe hẹ yo hẹ rre, rhunmwuda ọnii, Abigẹl ma vbe ta ẹmwẹ ọkpa ma rẹn ẹdẹ te dọ gbe.

I Samuẹl 30:16

Ọ keghi wa ma e Devid ehe ne iran ye. Iran ni khọn ke wa tagha gba ehe hia, iran gha re iran gha da ne iran ya do ugie emwi ọrhẹnrhẹn ne iran miẹn hẹ vbe Filistia kevbe Juda.