Asan-Ibo 7:26 - Edo Bible (E Baibol Ẹdo) Version 1996

²⁶ I keghi miẹn emwiọkpa ne ọ rriara sẹẹ uwu — ọnii ọ re okhuo. Ahoẹmwọmwa ne ọ ra mwẹ ghe ruẹ sẹtin wa mu ẹn zẹ vbe ifi ra ọga, obọ ne ọ ya kinnọ ọn ghi gba a mwẹ zẹ vbe eghan. Ọmwa ne ọ ru emwi ne ọ yẹ Osanobua sẹtin lẹfe vbọ, sokpan te obọ ẹre gba ọmworukhọ.

Asan-Ibo 7:26 ပူးပေါင်းရင်းမြစ်များ

Gẹnẹsis 19:35

Vbe asọn nii, iran keghi ye ayọn nẹẹn da, ovbi ẹre nokhuo ne kherhe keghi vbe guẹe lovbiẹ. Erriọ ọ vbe gha ye, ayọn ke gbẹe sẹrriọ wẹ ọ ma rẹn.

Gẹnẹsis 39:9

Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Itan 2:16

U gha sẹtin yangbe avbe ikhuo ni ku ogboi ni te ho ne iran ya aranmwẹ ne miẹnmiẹnmiẹn siọ kẹ egbe.

Itan 22:14

Ifi ọ re ọghe khin, emwa ne ohu ẹre mu e Nọyaẹnmwa ọ re ọ mu.

Itan 6:23

Ukpa ne ọ baa ọ re igiodẹ iran khin, vbene iran ya dia ruẹ ye odẹ, gha sẹtin ma ruẹn vbene u gha ya gha yin hẹ.

Itan 6:24

Ọ gha sẹtin siọ hin ehe ne avbe ikhuo dan ye rre, kevbe hin ẹmwẹ erẹrẹ iba ọghe avbe amwẹ ẹrrẹe.

Itan 9:18

Iran ne obọ ẹre vbare, ma vbe rẹn wẹ, emwa ni la owa ẹre, uhunmwu ọ re iran ya khiẹ ọre kevbe wẹ iran ni ka la owa ẹre yi, wa rre ehe ni dinmwi nian vbe ẹvbo emwa ni wulo nẹ.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 7:27

Erriọ nọ, erriọ ọ khare ighẹ Asan-ibo, ẹghẹ ne I na gha gualọ ewanniẹn ọ re I na gha miotọ avbe emwi na kherhe kherhe.