Asan-Ibo 7:25 - Edo Bible (E Baibol Ẹdo) Version 1996

²⁵ Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 7:25 ပူးပေါင်းရင်းမြစ်များ

Gẹnẹsis 34:7

vbe uwu ẹghẹ ne ivbiẹre na ke uwu oha rre zẹẹ. Ugbẹn vbe iran họn ẹmwẹ na, udu iran si vbọ, ohu ke mu iran ẹsẹse wẹ Siẹkẹm ru emwi ohan vberriọ, ọ na fi unu gie ivbi Izrẹl hia vbekpa ne ọ na ya ẹtin gu ovbi e Jekọb ru emwi.

II Samuẹl 13:12

Rẹn keghi wanniẹn wẹẹ, “Ẹn o, ghẹ ru mwẹ vberriọ! Ẹ i zẹdẹ maa hiehiere, ghẹ zẹ iba dan na.

Itan 17:12

Ọmwa dekun akpakomiza ne a mu ẹre ọmọ, ọ re ọ maa sẹẹ ne ọ do vba avbe ọzuọ vbe iran a gha fuẹn iwinna akpa ginna otọ.

Itan 26:11

Ọzuọ ne ọ yin uyinmwẹ okpa yan egbe ukpogieva, te ọ yevbe ekita ne ọ vbe rri ekpa ne ọ kpae.

Asan-Ibo 10:13

Ẹmwẹ oya ọre ọ ya suẹn, ọ ghi ya emwẹmwẹ mu ẹẹn yotọ.

Asan-Ibo 2:12

U gha do ghe ẹre, emwi ne avbe ọba nikaro ru, ọ re ọbakọba gha vbe ru. Ọ re I na ghi do suẹn gha roro emwi ne a yae kha vbe a gha kha wẹ ọmwa wan ra ọ rruarrua ra ọ kọẹn.

Asan-Ibo 2:15

I keghi ye ekhọe mwẹ roro ẹe wẹẹ, “Emwi ni sunu vbe egbe avbe ọzuọ, ọ re ọ ra vbe sunu vbe egbe mwẹ. De esa ne ẹwaẹn ne imẹ wan na ghi ye vbọ ne imẹ nian?” I keghi wanniẹn wẹẹ, “Ẹ i mwẹ esa, ẹ i mwẹ esa hiehiere.”

Asan-Ibo 2:20

Rhunmwuda ọnii, I keghi do gha gbe I ma rẹn, I i ghẹ miẹn ẹsọn sẹrriọ.

Asan-Ibo 7:27

Erriọ nọ, erriọ ọ khare ighẹ Asan-ibo, ẹghẹ ne I na gha gualọ ewanniẹn ọ re I na gha miotọ avbe emwi na kherhe kherhe.

Jọsua 7:13

Kpaegbe! Ya khuẹ awua hin egbe avbe emwa nii rre ne u wẹ ne iran mu egbe ne iran bu mwẹ gha dee. Tama iran ne iran mu egbe ne iran bu mwẹ gha dee ẹdẹ nakhuẹ, rhunmwuda mẹ ne Osanobua Izrẹl mwẹ emwi ne I ra ta wẹẹ: ‘Izrẹl, emwi eso ne I wẹ ne uwa fuẹn uan guẹ. Wa i ra sẹtin mudia vbe odaro avbe eghian uwa vbe ẹi re te uwa viọ avbe emwi na hin ehe ne uwa ye rre nẹ.’