Asan-Ibo 7:24 - Edo Bible (E Baibol Ẹdo) Version 1996

²⁴ Vbe ọmwaikọmwa gha ya sẹtin gualọ otọ emwi ne a ya ẹdagbọn ọmwa miẹn hẹ? Ọ dinmwi ne ima gbe, ọ lọghọ gbe ne a rẹn otọ ẹre.

Asan-Ibo 7:24 ပူးပေါင်းရင်းမြစ်များ

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Job 37:23

Ẹtin Osanobua kpọlọ sẹ vberriọ wẹ, ma i sẹtin sikẹ ọre, odẹ ẹmwata kevbe uhunmwu ẹmwẹ, ọre ọ ya gu emwa lo.

Psalm 139:6

Vbene u rẹnmwẹ dinmwi gbe, ọ gberra ne I gha sẹtin rẹn otọ ẹre.

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Asan-Ibo 8:17

Vbene ẹ i na vbe sẹtin rẹn emwi ne Osanobua ru. Vbene ọ khọn ruẹn ne u ziga sẹ, u i miẹn otọ ẹre. Emwa ni wan sẹtin kha wẹ iran miẹn ọẹn, iran ma miẹn emwi rhọkpa.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

I Timoti 6:16

Rẹn ọkpa kẹkan ọre ne ẹ i wu ẹdẹ, ne ọ rre uwu uwanmwẹ ne ẹ i gie a ghe. Ọmwa ne ọmwa ọkpa ma he ye aro kan, kevbe ne ọmwaikọmwa i sẹtin miẹn ọre aro, ọghọe ọre uyi khin deba ẹtin etẹbitẹ. Isẹ.