Asan-Ibo 7:23 - Edo Bible (E Baibol Ẹdo) Version 1996

²³ Ẹwaẹn mwẹ ọ re I ya danmwẹ avbe emwi na hia ghe, I keghi wa mu aro yọ wẹ ne I gha wan, sokpan, ọ keghi ye khian rrei mẹ.

Asan-Ibo 7:23 ပူးပေါင်းရင်းမြစ်များ

Gẹnẹsis 3:5

Te Osanobua tae vberriọ, rhunmwuda, ọ rẹnrẹn wẹ, wa gha rriọe wa gha do gha ye vbe Osanobua, wa ghi do gha rẹn emwi ne ọ maa ke nẹ i maa zẹ vbene irẹn ye.”

Asan-Ibo 1:17

I keghi vbe kha wẹ, I gha ruẹ alughaẹn ne egbe ne ọ rre irẹnmwi kevbe ukọnmwẹ, aro ne ọ hianrẹn kevbe emwẹmwẹ. Sokpan, I keghi miẹn wẹ te ọ yevbe ne ọmwa khu ẹhoho khian.

Asan-Ibo 3:11

Rẹn mwamwa ẹghẹ ne emwi hia kei yi ye otọ nẹ. Ọ vbe rhie ne ima ne a gha ho ne a rẹn vbene ẹdẹ nakhuẹ ra gha ye hẹ, sokpan, ọ ma gie ẹko ẹre vuọn ima wẹ ma rẹn otọ emwi ne ọ ru ẹsẹse.

Asan-Ibo 7:22

Wẹ tobọọ rẹnrẹn wẹ ẹ i re avbiẹ inugba wẹ he rhovbiẹ emwa ọvbehe.

Asan-Ibo 8:17

Vbene ẹ i na vbe sẹtin rẹn emwi ne Osanobua ru. Vbene ọ khọn ruẹn ne u ziga sẹ, u i miẹn otọ ẹre. Emwa ni wan sẹtin kha wẹ iran miẹn ọẹn, iran ma miẹn emwi rhọkpa.

Ebe ne Pọl gbẹẹn gie emwa Rom 1:22

Iran khare ighẹ iran waan, sokpan akpa iran wa khin.

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.