Asan-Ibo 7:2 - Edo Bible (E Baibol Ẹdo) Version 1996

² Ọ kere ne a gha rrie owa ne a na khiẹ sẹẹ ne a gha rrie owa ne a na tie ẹbu eghọ, rhunmwuda, te ọ kere ne emwa ni rre agbọn gha ye egbe iran ẹre rre wẹ, uwu diakhẹ dọmwadẹ ọghọe.

Asan-Ibo 7:2 ပူးပေါင်းရင်းမြစ်များ

Psalm 90:12

Ma ima re, vbene ẹdagbọn mwa kanmwa sẹ hẹ ne ima miẹn ehe na gha mwẹ ẹwaẹn.

Asan-Ibo 2:14

Avbe umẹwaẹn sẹtin dẹghe ehe ne iran rrie, sokpan avbe akpa i sẹtin.” Sokpan, I vbe rẹn wẹ emwi okpa ọ re ọ ra rruan ima hia.

Asan-Ibo 2:16

A i miẹn ne ọ ye avbe umẹwaẹn rre, a i miẹn ne ọ ye avbe akpa rre. Te a ra mianmian ima hia vbe ẹghẹ ne ọ dee. Te ima hia ra wulo, kevbe avbe umẹwaẹn kevbe avbe ọzuọ.

Asan-Ibo 3:19

Agbọn hia rẹnrẹn ighe emwi okpa ọ re ọ ra rruan ọmwa kevbe aranmwẹ. Vbene okpa wu ọ re nọkpa vbe wu. Emwi ne a yi okpa ọ re iran eveva khin. Ọmwa nagbọn ma maa sẹ aranmwẹ rhunmwuda, agbọn na i mwẹ esa ne ọ ye ne erhọkpa.

Asan-Ibo 3:20

Ihọkpa ọ re iran eveva rrie, onii ọ re ekẹn. Evba ọ re iran eveva ke rre, emwi ọkpa iran eveva ra vbe lao.

Asan-Ibo 6:6

ọ vbe ye onii maa sẹẹ ọmwa ne ọ ma lo agbọn rẹn, ọ gha khọn rẹn ne ọ ye ukpo arriaisẹn eva vbe agbọn. Vbe uwu ehia ihọkpa ọ re iran eveva rrie.

Asan-Ibo 9:2

Ọnii ma si emwi rhọkpa, emwi okpa ọ re ọ rruan ọmwa esi kevbe ọmwa dan, ọmwa ne ọ maa kevbe ne ẹ i maa, iran ni mwẹ ekhọe ugamwẹ Osanobua kevbe iran ni i mwẹ, iran ni zọ ese kevbe iran ni i zọ. Ọghe ọmwa esi ma maa sẹ ọghe ọmworukhọ, ọmwa ne ọ vẹn ihẹn ma maa sẹ ọmwa ne ẹ i vẹn.

Asan-Ibo 9:3

Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Asan-Ibo 9:5

Erriọ nọ, emwa ni rre agbọn rẹnrẹn ighe iran gha wulo, sokpan, iran ni wulo nẹ ma rẹn emwi rhọkpa. Iran i ghi vbe mwẹ ere ọvbehe, a mianmian iran nẹ fẹẹrẹ.

Aizaia 47:7

Te u te gha ro ighẹ oloi ọ re u ra gha khin ẹdẹdẹmwẹdẹ, u ma rhie avbe emwi na ye ekhọe ra ne u roro emwi ne ọ gha ke ẹre ikian.

Jerimaia 16:8

“Ghẹ la owa ne ọmwa ne gbe ẹbu gha rri evbare. Ghẹ gu iran tota ne u da ayọn.

Hagai 1:5

Wa ma miẹn emwi ne ọ ru uwa nian?

Malakai 2:2

Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Nọmbas 23:10

Uniẹn ivbi Izrẹl ye vbe ikpekhae ne otọ. Iran bun gbe, ẹ i gia ka. Gie ufomwẹ ẹdẹ agbọn mwẹ yevbe ọghe ọkpa vbe emwa Osanobua gun mwẹ wu vbe ọfumwegbe zẹ vbe ọmwa ẹmwata.”

Matiu 5:4

Ọ maa ne iran ni khiẹ, Osanobua gha fu iran ẹko rre!

Diuteronomi 32:29

Iran ma sẹtin rẹn emwi ne ọ gie obọ ke okhunmwu ne iran, iran ma sẹtin rẹn otọ emwi ni sunu.

Diuteronomi 32:46

Ọ keghi kha wẹẹ, “Wa ghẹ mwẹ wa ma ya uhi ne I ma uwa ẹre ẹrẹna ru emwi. Wa ta ẹe ma avbe ivbi uwa, ne iran miẹn ehe na gha ya ẹkoata rhie emwi ne Osanobua ma emwa ẹre mwẹ.

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.