Asan-Ibo 7:16 - Edo Bible (E Baibol Ẹdo) Version 1996

¹⁶ Rhunmwuda ọnii, ghẹ gha re ọmwa ne ọ maa gbe ra ne ọ wan gbe. Vbọzẹ ne u gha na gbe egbe uẹ ua yi.

Asan-Ibo 7:16 ပူးပေါင်းရင်းမြစ်များ

Gẹnẹsis 3:6

Okhuo nii keghi miẹn vbene erhan nii ma egbe hẹ, kevbe ne ọmọ rẹn vbe rhie aro re hẹ, kevbe wẹ emwi esi gha nọ adeghẹ ọmwa waan. Ẹre ọ na rhie vbe ọmọ erhan nii, ọ na rri ọe. Ọ keghi rhie ne ọdọ ẹre vbọ, rẹn keghi vbe rri ọe.

Job 11:12

Ẹghẹ ne a gha na biẹ ede zẹ vbe aranmwẹ owa ọ re emwa ni kọn de ẹwe ua, gha na suẹn gha wan.

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Itan 23:4

Gie ẹwaẹn gba nuẹn sẹrriọ ne u i ra na wiẹn egbe ruẹ ua ighẹ te u gualọ ẹfe.

Itan 25:16

Ghẹ lalọ amẹ owọn gberra vbene ọ ke ne uẹn sẹ, ọ gha bun gbe, ọ sẹtin ya a gha bi.

Asan-Ibo 12:12

Ovbi mwẹ, emwi ọvbehe ye rrọ ne ọ kere ne u rhie aro yotọ vbe ekpa ẹre. Ebe ne a gbẹnnẹ i mwẹ ọkhioha, a gha vbe ruẹ emwi gbe, te ọ ye egbe wọ ọmwa.

Matiu 23:29

“U miẹn agbọn ne uwa ye enimaemwa Uhi kevbe Farisi, ayunukpaegbe. Wa mannọ idin avbe akhasẹ mose mose, wa keghi te idin ne a mannọ ne iran ne eni yin ẹse egbe.

Matiu 23:38

Banbanna nian, ẹvbo ruẹ khian evba he!

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Matiu 9:14

Avbe erhuanegbe Jọn ne Ọsamẹ keghi bu Jesu gha dee do nọ rẹn wẹẹ, “Vbe a na miẹn hẹ yi wẹ, ma kevbe avbe Farisi wa yo aguẹ ẹghẹ hia sokpan, erhuanegbe ruẹ i yo hiehie?”

Iyẹn ne ọ Maan Ọghe Luk 18:12

Ikpẹdẹ eva ọre I ya yo aguẹ vbe uzọla ọkpa. Emwi ne I mwẹ hia, I gha gha ẹre ye ihe igbe, I ghi viọ obọkpa vbọ guẹ.’

Ebe ne Pọl gbẹẹn gie emwa Rom 10:2

Rhunmwuda I gha wa sẹ osẹe ne iran. wẹ ẹmwẹ Osanobua wa rre iran ekhọe ẹsẹse. Sokpan, vbene ẹmwẹ ọnrẹn rre iran ekhọe ma lele uviẹn ọghe ọmwa ne ọ rẹn emwi ẹse.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 12:3

Rhunmwuda, ẹsọhẹ Osanobua ne ọ ya ru mwẹ ẹse, I tama uwa hia wẹẹ, wa ghẹ mwa egbe ye ukpo ne ọ gberra ehe ne ọ ke yi. Sokpan wa gha re ne ẹ i si ukankan vbe iro ne uwa zẹ, ne dọmwadẹ ọghọe vbe uwu uwa gha mwa egbe ẹre ye vbene Osanobua rhie iyayi nẹẹn sẹ.

I Kọrinti 3:18

Ọmwa rhọkpa ghẹ rẹrẹ egbe. Deghẹ a miẹn ọmwa ọkpa vbe uwu uwa ne ọka egbe ẹre ye umẹwaẹn, zẹ vbene emwa ne agbọn ya kha ighẹ ọmwa wan, wẹ ne ọ heko khian akpa, ne ọ miẹn ehe na do gha wan vbe ẹmwata.

I Kọrinti 3:20

Ebe vbe ta ẹe vbe ihe ọvbehe wẹẹ, “Nọyaẹnmwa rẹnrẹn wẹ iro ekhọe avbe umẹwaẹn akuọkan nọ.”

Filipai 3:6

I mu aro yọ sẹrriọ wẹ I kegha khu esọsi khian. Zẹ vbene ọmwa gha sẹtin la ekpa a ru vbene nene Uhi khare khian ọmwata sẹ, I kegha re ọmwa ne ẹ i mwẹ abaku ru.

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

Kọlose 2:23

Vbe ẹmwata, ọ ghi ye vbe ne a miẹn wẹ, ẹwaẹn rrọọ vbe iran a gha ya obọ yẹn emwa ẹho, ne iran gha gho avbe odibo Osa, kevbe imuegberriotọ ọghe abawẹ, kevbe obalọ ne a ya rri egbe vberriọ, iran i mwẹ ẹtin ne a ya da ọmwa obọ orriarria egbe yi.

I Timoti 4:3

Emwa na ọre ọ ta ẹe khian wẹ, ọ ma kei ne a gha rhie okhuo, ọ ma kei ne a gha rri evbare eso. Sokpan te Osanobua yi avbe evbare na ne avbe emwa ni yayi, ni vbe rẹn ẹmwata nẹ, ne iran gha rri ọẹ vbe iran a ghi na erhunmwu ekpọnmwẹ yọ nẹ.

Arhie Maan 18:19

Iran keghi kpolo ebubẹ ye egbe iran uhunmwu, iran kegha goo, iran na gha khiẹ wẹẹ, “Okokokoo! Ọna mu ohan gbe vbe egbe ẹvbo nii. Rẹn ọrọre ẹvbo ne emwa hia ni ghi mwẹ okọ ne ọ gua vbe okun nẹ, la ekpa ẹfe ẹre khian enọfe. Emwi na hia wa wi ẹre vbe ẹgogo ọkpa kẹkan!”