Asan-Ibo 7:15 - Edo Bible (E Baibol Ẹdo) Version 1996

¹⁵ Te ẹdẹ agbọn mwẹ kulo, sokpan aro mwẹ miẹn emwi hia nẹ vbọ. Ọmwa esi sẹtin wa wu vbene ọmwa ọvbehe na ye tọ khian, egbe ne ọ ya re ọmwa dan.

Asan-Ibo 7:15 ပူးပေါင်းရင်းမြစ်များ

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Asan-Ibo 2:23

Vbe ẹghẹ ne ọmwa ya rre agbọn na, ẹsọn ne ọmwa miẹn, ohawa kevbe ọkpeudu ọ re ọ miẹn vbọ. Asọn gha vbe rre, ekhọe ẹre i vbe sotọ. Ọna i zẹdẹ maa.

Asan-Ibo 3:16

Deba ena hia, I keghi vbe miẹn uyimwẹ ika vbe ehe ne ọ te kei ne a ta ẹmwata kevbe emwi ne ọgbae gha ye.

Asan-Ibo 6:12

Vbe ọmwa gha na rẹn emwi ne ọ kei ne ẹẹn sẹ vbe agbọn ne tuai ne ẹ i mwẹ esa na, agbọn ne ọ rhie gberra khian vbe aghọnghọn? Vbe ọmwa gha ya rẹn emwi ne ọ gha sunu vbe irẹn a wu nẹ hẹ?

Asan-Ibo 9:9

Gu okhuo ne u ho ẹmwẹ ọnrẹn lo agbọn ruẹn vbe ẹghẹ ne u gha ya vbe agbọn ọrhiae ne Osanobua ya ru uẹ ẹse na. Lo nene avbe ẹdẹ ne ọ ma maa na hia, rhunmwuda, ọna okpa ọrọre ere ne u ra re vbe uwu ẹsọn ne u miẹn hia.

Aizaia 65:20

Ibiẹka i ra gha wulo ye emọ obọ, agbọn hia gha sẹ ẹdẹ ne ẹhi khare. Ọmwa ne ọ rre ukpo iyisẹn, a ghi ye gha kae ba igbama. Ọmwa gha wu ọ te sẹ vberriọ, ọnii rhie ma wẹ te I rri iran oya.

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.