Asan-Ibo 7:14 - Edo Bible (E Baibol Ẹdo) Version 1996

¹⁴ Emwi gha khian hẹnnẹhẹnnẹ ne uẹn, gha ghọghọ, orueghe gha vbe rre, u ghi ye rre wẹ Osanobua ọ re ọ rhie ọyẹnmwẹ kevbe orueghe rre, u i sẹtin kha ne ọ ghi sẹẹ ọre egbe ne ọ gha rre vbọ.

Asan-Ibo 7:14 ပူးပေါင်းရင်းမြစ်များ

I Ọba 8:47

danmwehọ erhunmwu emwa ruẹn. A deghẹ iran ghi vbe miẹn kue vbe odọ niii, vbene iran zẹ iba vbe ru emwi dan hẹ, iran na na erhunmwu ghe ruẹ, u ghi họn erhunmwu iran Nọyaẹnmwa.

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Psalm 119:71

Ọ ma mẹ vbe a gbe mwẹ hin ọkhọ rre, rhunmwuda, ọ ya mwẹ ruẹ iyi ruẹ.

Psalm 40:3

Ọ ma mwẹ ihuan ọgbọn ne I gha so ihuan urhomwẹ ghe Osanobua mwa. Emwa nibun gha miẹn ọna wan, iran ghi mu ẹtin iran, yan e Nọyaẹnmwa.

Asan-Ibo 10:14

Ọzuọ ghi gha talọ khian kpẹrẹ. Ọmwa ne ọ rẹn emwi ne ọ ghi ra sunu irrọ, ọmwa rhọkpa i vbe sẹtin tama ọmwa emwi ne ọ ghi ra sunu vbe ọmwa a wu nẹ.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Asan-Ibo 12:8

Ẹ i mwẹ esa, ẹ i mwẹ esa, erriọ ọ re Asan-ibo khare. Erhọkpa i zẹdẹ mwẹ esa.

Asan-Ibo 3:22

Rhunmwuda ọnii, I keghi do miẹn wẹ emwi ne ọ maa sẹẹ ne ima gha sẹtin ru ọrọre ne a lo emwi ne ima miẹn ẹsọn yi ya gha zọmọ. Emwi ọvbehe ne ima gha sẹtin ru ighi rrọọ. Odẹ okpa i rrọọ ne ima gha la rẹn emwi ne ọ ra sunu vbe ima a wu nẹ.

Asan-Ibo 3:4

ọ rhie ẹghẹ yọ ne a ya ru akhiẹ, ọ rhie ẹghẹ yọ ne a ya ku,

Asan-Ibo 5:17

Emwi ne a ghi miẹn vbọ ọrọre ne a gha lo ẹdẹ agbọn mwa vbe uwu ebiebi kevbe irhiaẹko, ekhọe ma sotọ, ohu kevbe emianmwẹ.

Asan-Ibo 8:7

Ọkpa vbe uwu ima ne ọ rẹn emwi ne ọ gha sunu i rrọ, a i vbe miẹn ne ọ gha ta ẹe ma ima.

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Jerimaia 23:20

Ẹ i ra vbe dobọyi vbe ọ te do ru emwi ne ọ wẹ rẹn ra ru hia fo. Ọ gha sẹ ẹdẹ ne ọ dee, emwa rẹn gha wa rẹn emwi ne a ya ọna kha ẹsẹse.”

Eve Orriara 3:38

Ke ne ọ maa, kevbe ne ọ khọ, ọ gha gie ọkpa, ọ re a na ru ẹe.

Maika 6:9

Emwi ẹwaẹn nọ ne a gha mu ohan e Nọyaẹnmwa. Ọ datie okpẹvbo ni wẹẹ, “Wa danmwehọ, wa ni si egbe koko vbe okpẹvbo ni!

Matiu 9:13

Wa gualotọ emwi ne a ya ẹmwẹ ne ọ rre ebe nọhuanrẹn na kha, ‘I ma wẹ ne uwa ye aranmwẹ zọ ese ghe mwẹ, itohan ọre iho.’ I ma rre do tie avbe adazẹ vbe ẹ i re avbe ẹwobi emwa.”

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Diuteronomi 26:11

U ghi gie ẹko ruẹ gha rhiẹnrhiẹn, rhunmwuda emwi ni maa ne Nọyaẹnmwa viọ ne uẹn kevbe ẹgbẹ ruẹ, u ghi vbe gie avbe Livai kevbe avbe erriọvbe ni rre ehe ne u ye deba uwa gha titi ẹe.

Diuteronomi 28:47

E Nọyaẹnmwa keghi fiangbe uwa vbe odẹ hia sokpan wa ma ye ẹko oghọghọ kevbe ọyẹnmwẹ ga ẹe.

Diuteronomi 8:3

“Ọ ye ovbamẹ gbe uwa, ọ na do rhie mana ne uwa re, evbare ne uwa kevbe avbe erha uwa odede ma he re ẹdẹ. Te ọ ru ọna rhie ma uwa wẹ evbare ọkpa ma sẹ ne ọmwa ye egbe yan ne ọ ya gha rre agbọn, emwi ne ọ khẹ ke ọmwa ọrọre ẹmwẹ ne Osanobua ta ẹe.

Diuteronomi 8:5

Wa ye rre wẹ te Nọyaẹnmwa gha dia rua, ọ na vbe gha rri uwa oya zẹ vbene erha gbele ivbi ẹre hin ọkhọ rre zẹẹ.

Jems 5:13

Orhiọnkpa rre uwu ọlọghọmwa vbe uwu uwa ra? Wẹ ne ọ na erhunmwu.