Asan-Ibo 7:12 - Edo Bible (E Baibol Ẹdo) Version 1996

¹² ọ gha vbe ru ẹe ne ẹkun sẹ uẹ otọ zẹ vbene igho vbe ru. Ẹwaẹn sẹtin ru ẹe ne u gha rrọ vbe a i mwẹ ẹbe, erriọ ọ re irẹnmwi na maa sẹẹ.

Asan-Ibo 7:12 ပူးပေါင်းရင်းမြစ်များ

Job 1:10

U tan obọ gue ẹre, kevbe ẹgbẹe ọre kevbe emwi hia ne ọ mwẹ. U fiangbe emwi hia ne ọ ru. Ẹmila ne u hẹ ne ẹẹn vuọn otọe ẹvbo na hia.

Psalm 57:1

Tohan mwẹ Osanobua tohan mwẹ, rhunmwuda wẹ ọ re imẹ lẹgbinna aghọnghọn ifuẹn ruẹn ọ re imẹ lẹre yi rhinrin okpẹhoho na te do la fo.

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 14:20

Ai miẹn ne ọ ho ẹmwẹ ovbiogue uhin ya sẹ egbe ẹdogbo ẹre ne arẹn egbe, sokpan iran ni fe ghi gha mwẹ avbe ọse nibun.

Itan 2:11

Vbene u ghe umian emwi hẹ, kevbe vbene u rẹn otọe emwi hẹ, ghi tan obọ gue ruẹ.

Itan 2:7

Ọ rhie iyobọ kevbe ugue ne iran ne ẹmwata ne ẹ i zẹ ibeleku.

Itan 3:18

Ọ yẹnmwẹ sẹ iran ni khian emwa ni wan, ẹwaẹn gha rhie arrọọ ne iran.

Itan 8:35

Ọmwa ne ọ gualọ mwẹ miẹn, arrọọ ọ re ọ miẹn, ẹko ẹre gha vbe rhiẹnrhiẹn e Nọyaẹnmwa.

Itan 9:11

Te ẹwaẹn fian ba ọmwa utọmwẹ. U gha wan, ere ne ọ rrọ, ọwuẹ nọ.

Asan-Ibo 10:19

Te evbare eghọ ye ọyẹnmwẹ sẹ ọmwa, erriọ ọ re ayọn vbe ya aro ọmwa maa vbe uhunmwu, sokpan ne obọ ruẹ gha sẹtin gba i rrọ adeghẹ igho i rrọọ.

Asan-Ibo 2:13

Ẹta a, I rẹnrẹn wẹẹ, “Ẹwaẹn ọ re ọ maa sẹẹ ukọnmwẹ, zẹ vbene uwanmwẹ maa sẹẹ ebiebi.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Asan-Ibo 9:16

Ọkpẹre ne I kegha ta ẹe wẹ ẹwaẹn ọ re ọ maa sẹ ẹtin, sokpan, a i miẹn ne ọ kha ighe ovbiogue wan, ra ne ọ zẹ ye ẹmwẹ ne ọ guan.

Asan-Ibo 9:18

Ẹwaẹn ọ re ọ dunna na sẹ umozo, sokpan, ọmworukhọ gha sẹtin mu emwi esiesi ọrhẹnrhẹn rhia.

Aizaia 30:2

Iran kpao gha rrie Igipt, vbe ne iran ma na nọ mwẹ vbene I roro ẹe hẹ. Iran ho ne Igipt degue iran, rhunmwuda ọnii, ọba Igipt ọ re iran mu ẹtin yan.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 33:6

Ọ gha rhie ẹkun ne ọ sotọ ne uhunmwu ẹvbo nii. Te irẹn wa degue emwa rẹn vbe ẹghẹ hia, ọ ghi vbe gha rhie ẹwaẹn kevbe irẹnmwi ne iran. Ẹfe ne ọ sẹẹ ehia ne iran mwẹ ọrọre ọghọ ne a ya ne Nọyaẹnmwa.

Iyẹn ne ọ Maan Ọghe Jọn 12:50

Mẹ rẹnrẹn wẹ arrọọ etẹbitẹ ọre ẹmwẹ ọnrẹn rhie rre. Rhunmwuda ọnii, ẹmwẹ ne I guan, Erha mwẹ, ọre ọ gie mwẹ ne I kha vberriọ.”

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Diuteronomi 32:47

Iruẹmwi na ẹ i re ọghe ogbetalọ, arrọọ uwa fẹẹrẹ nọ, wa gha yae ru emwi, wa gha tọ vbe otọe nii ne ọ rre iyeke Jọdan, ne uwa ghi ra ya yin na.”

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

Giọgis 9:15

Ere ọkhuẹnkhuẹn na tama iran wẹẹ, ‘Adeghẹ wa gele ho ne I gha re ọba uwa, wa do lẹre ye irhu mwẹ. Deghẹ wa ma ru vberriọ, erhẹn gha ladian ke uwu abọ mwẹ ni igbingban rre, ọ ghi giẹn avbe sida ne rre Lebanọn ruan.’ ”